|
إستفسارات بالجملة
السلام عليكم جميعا
شاب مصرى بيسوق بقاله سنتين و عنده مشاكل كتير فى الميكانيكا ... ممكن تساعدونى
المشكلة باختصار هى ان عربيتى ( ماروتى 2008 ) فيها مشاكل كبيرة و بقالى بتاع أسبوع باسمع أصوات غريبة فى العفشة مع العلم انى لسة مصلح الكبالن من حوالى 20 يوم وواضح طبعا ان البيه الصنايعى نصب عليا لأنى جديد فى موضوع الكبالن دة و الحقيقة انى ما رحتش التوكيل خالص لأسباب تتعلق بانهم أكيد هيطلعوا سفاحين وياخدوا منى الطاق طاقين
عموما أنا بدور على مركز صيانه أو ميكانيكى بيفهم يبص على العربية من الإكصدام للإكصدام و يشوف فيها إيه و يا سلام بقى لو ياخد أقل فلوس ممكنة بما اننا كلنا عايشين أزمة إقتصادية كبيرة
العربية محتاجة كل السيور تتغير + نظرة سريعة على الموتور + نظرةمتعمقة على العفشة +نظرة خاطفة على الكهربا ...
و الحقيقة ان دى مش كلها مشاكل إنما عايز أبص على الحاجات دى لكى يطمئن قلبى
أرجو الإفادة لو حد يعرف مركز صيانة أو ميكانيكى فى مناطق مدينة نصر أو الهرم
و لكم جزيل الشكر ptmnlo123per144
أشرف
|