ممكن يكون رأى صادم بس فكرو بشكل عملى
المبرشمين اللى بيتخانقو مع بعض دول حرام يتصدى ليهم شباب مهما كانت شجاعتة غير مؤهل او مدرب او مسلح للتعامل مع سوابق وبلطجية ومبرشمين ومحترفى اجرام وبيقولك بعتو يجيبلو ناس منين والتانين منين يعنى دول اكيد عصابات او عائلات بتاجر فى المخدرات او السلاح او الدعارة او كوكتيل
فجيش البرشام ده التصدى ليه مش كفايه من اللجان الشعبية المعتادة لازم يكون بإيد الشرطة او الجيش
الناس ديه مدربه ومعاها السلاح والاليات والمعدات الازمة ولو حصلهم حاجة مستشفياتهم موجودة ومعاشاتهم شغاله
وديه مش دعوة للسلبيه ابداً بس ده الواقع ان اى مجتمع مينفعش الناس المدنيين يقومو بمهام العسكريين والا نتسلح كلنا بقى زى ما فى الصعيد او فى العصور السحيقة فيحصل التوازن بين مجمل المجتمع والفئات المسلحة (البلطجية)
حد سمع زمان عن بلطجة او حد سمع فى الصعيد عن بلطجة !!
مفيش لان كله معاه سلاح ولو واحد غلط هيتحاسب هو عيلته على غلطته لكن دول عيال متسوله الحكومة نفسها كانت بتسيبهم يخلصو على بعض
