مبدئيا ... انا عارف انى كترت وى من الاستفسارات اليومين دول .. بس معلش .. بعمل شغل ف العربية اليومين دول و كل ما افكر ف حاجة اجى هنا و اسألكم ..
اتمنى الكل يكون بخير ..
* التفاصيل المملة *
دلوقتى انا قريت ف موضوع ممتاز
(السماعات ما هى وكيف تعمل)
ان فى حاجة تسمى bass reflex enclosure ..
تستخدم لتكبير الاصوات ذات التردد المنخفض ( البيز يعنى = الدب و الرزع) .. او هكذا فهمت ..
طب على حسب ما فهمت ان الصندوق ده منه مقفول تماما و منه اللى فيه فتحه و لتدعيم البيز ..
طب و على ما قريت و فهمت من النت عموما ان الصندوق ده يمكن عمله لاى سماعة .. و انه ضرورى وضع السماعة ف وضع مضبوط عشان تاخد من السماعة اللى انت عايزه ...
طب انا هجيب خلال يومين بالكتير 2 سماعات بيضاوى .. 2 سماعة مدورة للباب ..
هل ممكن اعمل لهم حاجة زى كده ولا هحتاج نوع معين من السماعات ... او موديل معين ؟؟؟
انا مجبتش و مش هجيب امبلايفر و لا صب ....
* انا معايا كاسيت اصلى و ممكن اجيب واحد بايونير كويس .. و هجيب 2 سماعة بيضاوى بايونير و 2 سماعة للباب صينى .. هل لو جبت او عملت صندوق لل2 البيضاوى هيفرق الصوت ؟؟ .. طب ايه المقاسات .. هل ينفع صندوق صب ووفر اللى بيتباع جاهز ؟؟ مع العلم انى افضل اخلى حد يعمله بدل ما اشترى جاهز ..
الخشب بقى (فى نوع اسمه _بى.دى.اف_ باين أو _ام.دى.اف_ ) حاجة كده .. هيبقى نوع الخشب إيه .. و قطر السماعات المطلوبة و قطر الفتحة ف الصندوق .. ياريت افادة
* ممكن مجيبش بيضاوى و اجيب 2 مدورين لانى مشوفتش قبل كده بيضاوى ف صندوق ..
* طولت كالمعتاد .. بس معلش .. المرة الجاية هحاول ألم التفاصيل بسرعة ..
شكرا جدا ..
بعض الصوراللى وصلت لها م النت :