اللى عاوز يبيع الموتوسيكل بتاعه كاش يدخل
اخوانى الاعزاء :
طبعا زى ما قريتوا من موضوعى السابق انى عاوز اشترى ريسينج انا بقالى اسبوع باتفرج و بالف و باسأل و باستشير لحد ما رسيت على بعض الاشياء و اهمها :
1- لا تشترى من معرض ابدا لانهم بيضيفوا لسعر الموتوسيكل اكتر من 3 الاف جنيه
2 - انا كمبتدىء حددت بعض الانواع و طبعا لغيت من دماغى فكره ال400 فاير ده لسبب ان كل الناس قالولى لو جبته مش هتعرف تتحكم فيه لانه تقيل عليا كمبتدىء اولهم الزميل عمرو من هنا فى المنتدى فانا حددت بعض الانواع اللى عاوز يبيع او يعرف حد عاوز يبيع حاجه من الموديلات دى يقوللى
honda cbr 250
honda cbr 250 fire
honda cbr 150
honda cbr 400
3- الموتوسيكل لازم يكون فى حاله ممتازه و مفيهوش اى عيوب يعنى يبقى زى الزيرو و يكون موديل بعد سنه 93
4 بالنسبه للاسعار بقى :
الهوندا 250 عاده 11000
الهوندا 250 فاير 12500
هوندا 150 موديل 2007 13000
هوندا 400 عاده 14000
لو الموتوسيكل افراج جمركى يعنى لسه معلقش نمر زود الف جنيه عن السعر اللى انا عارضه و هو ده النهائى بتاعى
5- لو انت هتكون وسيط يعنى عندك خبره كويسه و هتدور و هتتوسط بينى و بين البائع هتاخد منى 500 جنيه عموله
و اخيرا المبلغ ده انا حددته بناء على اللف على الناس و اللى يعرف يجيبلى بالمواصفات دى سعر اقل من كده هاديله ربع اللى هيوفره زائد ال500 جنيه عمولته
تحياتى و فى انتظار اللى يقدر يساعد و برضه انا متقبل للاراء بتاعت الناس هنا فى الموضوع بالنسبه للسعر اللى شايف ان السعر اللى انا عارضه ده قليل او كتير يقولى نصيحته ايه و رأيه
مشكورين جميعا و فى انتظار الردود
|