[sad-bird]

المشاركة الأصلية كتبت بواسطة AboNoRa للاسف اعداء الثورة والطاعنين فيها بيستخدمو الفيديو ده لايهام الناس بالباطل الشيخ الشعراوى بيتكلم عن ثورة السماء على منهج الارض مش ثورة بشر على بشر ده اولاً ثانياً اذا افترضنا جدلاً جواز المقارنة فثورة السماء على منهج الارض اخدت وقت زيادة عن عشرين سنة علشان تنتصر انت بقى بتقارنى انا بالنبى اذاى ؟؟؟ وبناء على ايه بعتبر ان الثورة انتهت خلاص ومفيش فساد تانى يهدم ؟؟ وفين مظالم الناس اللى ردت ؟ عامة اوعدكم ان لما صروح ورموز الفساد تتهدم زى ما قال الشيخ نبنى الامجاد مع بعض وان كان ده برضو ميمنعش بل واجب علينا كلنا نفكر فى البناء والتطوير وعلى حد علمى نفس الثوار هما اللى ليهم اطروحات وبرامج ورؤى فى التطوير ... انما الدور الباقى على الناس اللى قاعدة زى عواجيز الفرح ... لا هى مع الثوار ولا هى مع التطوير والبناء وقاعدين يمصمصو شفايفهم ويفتوا باى كلام وبس !!

شكرا ابو نورا على مرورك

لكن
مين قال مفيش فساد تاني
الفساد موجود ومستشري فينا كلنا للأسف
والمطلوب هو تغيير انفسنا جنبا الي جنب مع حركات الاصلاح
ومين قال منحاكمش اللي افسدونا
لأ ييتحاكموا ويتعمل فيهم اللي ما يعمل
بس في نفس الوقت ندور على اللي ورانا
النهاردة فيه فلاحين عاوزين يهجرو اراضيهم ومستنيين الفلوس اللي هتيجي من بره
فيه عمال مصانع مكبرين دماغهم وكل واحد قاعد قايم نايم واكل شارب بيحلم بالفلوس اللي هتجيله من الللي اتنهب
لدرجة اني سمعت مرة نقاش بين اثنين
على قناعه شديدة جداااااااا ان كل واحد هيوصله شيك على بيته بحقه في الفلوس المنهوبة
وكان الخلاف بينهم هل الشيك هيجي على البنك الاهلي والا بنك مصر
ما هما دول البنكين اللي لسه تبع الدولة


مش كل الناس بتفكر زيك يا عم وائل وبيفكروا ازاي ينتجوا ويعملوا
البلد فيها 50 % ميهمش حاجة ومش فارق معاهم أي حاجة في حاجة
ولو خربت بقولك اهي هتخرب على الكل
ولو فلحت بيقولك اهي هتفلح على الكل