اسف لتأخير الرد
بالنسبه لمشكله الدواره
المشكله دي بتحصل دايما مع البنزين ال 80 لما بتستعمله للعربيه فتره طويله
و دا مش السبب الوحيد عندك كمان ضبط الكهربا
حاول تغير البوجيهات و حقولك علي حركه مفتريه جربتها و لسه حعمل عليها موضوع في المنتدي بس ححكيهالك
و انت شايل البوجيهات هات منظف كاربيراتير و احقنه بحقنه مكان البوجيه و سيبه لمده ربع ساعه و بعدين شغل الكونتاكت بحيث المارش يشتغل حيقوم طارد كل الوساخه اللي في غرف الاحتراق
حتفرق معاك جدا في سحب العربيه و نعومتها
طبعا مع تغيير او تنظيف فلتر الهواء حتحس بالفرق
بالنسبه لمشكله النتشه
دي سبببها حاجه من الاتنين
لو النتشه دي دايمه يبقي الكاربيراتير عاوز يتنضف او فيه حاجه مش مظبوطه
و ممكن تنظفه ب wd 40 او حط منظف للكاربيراتير برضه بس في التانك و حتلاقي العربيه فرقت
لو النتشه دي بتحصل بعد ما العربيه بتسخن يبقي كده ممكن نشوف الاتوماتيك او الموبينه
بس خلينا في الحاجات العاديه الاول قبل ما نفتح علي نفسنا ابواب كبيره
