[magd131]

انا حاسس من حديثه انها رساله ليها غرض مش علشان يدافع عن نفسه لا اكيد وراها حاجه وبالاخص بعد احداث ميدان التحرير و قبل التحقيق مع صفوت الشريف وكمان جاء بعد القبض علي زكريا عزمي فاكرين اخر خطاب ليه لما قال عليكم ان تختارو بين الاستقرار و الفوضي حصل ايه بعدها وحالة الفوضي و البلطجه الي فضلت مده حتي بعد رجوع الشرطه و تشديد العقوبه علي اعمال البلطجه مش كده و بس لا وكمان الخطاب الصوتي جاء قبل القاء القبض علي ابراهيم كامل عارفين مبارك ده ثعبان كبير وربنا يستر ويخيب ظني لانه انا حاسس ان وراه مصيبه وربنا يستر
انا بس عاوز اساله بعد خراب 30 سنه من افقار الطبقه المتوسطه وزيادة افقار الفقراء وتدمير التعليم وانتشار المحسوبيه والمنافقين والفساد الي كانت رائحته تزكم الانوف وتدمير المصانع المنتجه وظهور المحتكرين عاوز اساله بعد كل ده انت بتنام وضميرك مرتاح طيب مفكرتش في حسابك عند ربنا لما يسالك عن 85 مليون مصري وعن اهل غزه الي اليهود مرحمهمش وانت قفلت الحدود في وشهم بحج تافه مفكرتش هتقوله ايه مفكرتش في كلام الفاروق عمر ابن الخطاب رضي الله عنه انه كان بيخاف ربنا يساله لو تعثرت بغله في العراق ماذا يقول له
حسبي الله ونعم الوكيل فيك يا غير مبارك انت واسرتك الفاسده وكل اعوانك ويارب تجرب الذل الي انت وريته للمصريين