[مهند سالم]

والله يا دكتور الأمر بسيط، لكن للأسف هناك تراخي عجيب.
المعتصمين الغلابة بيتحاكموا محاكمات عسكرية بحكم فوري، والحيتان مستنيين لما الأدلة تتجمع ضدهم، وسايبينهم سارحين في الحياة يفسدوا علينا حياتنا.
وحضرتك شفت إن إلا حصل في ميدان التحرير أمس كان وراءه بصورة مباشرة أو غير مباشرة سعادة الباشا إبراهيم كامل، ولسة فاكرين دلوقت يقبضوا عليه، مع إنه متهم أصلا في التحريض على موقعة البغال والجمال.
والتقاعس في القبض على هؤلاء أدى إلى ضياع وفرم كثير من ملفات الإدانة، وكل سنة وحضرتك طيب.
الشرطة مش عايزة تنزل الشارع إلا لما الناس تبوس الأيادي والجزم، وكلنا عارفين إن كل البطجية إلا في الشوارع الظباط عارفينهم واحد واحد، وممكن يتجابوا في ظرف أسبوع، لكن طبعا لازم الناس تتأدب الأول عشان يعرفوا قيمتهم.
يعني ببساطة يا دكتور الحزم والشدة مازالت مع الغلابة ، والتراخي والتباطؤ مازال مع المفسدين.
لكن هنقول إيه؟ هنقول: يا رب إنت الملجأ والمعين ، انصر المظلوم واخزي الظالم، وأمنا في أوطاننا وارفع مقتك وغضبك عنا، آمين.