[كنتوش]

السلام عليكم ورحمة الله وبركاته
الموضوع وما فيه ان العربيه بولونيز وجوان وش السلندر باظ والموتور كان عايم فى ميه عمل الموضوع ميكانيكى بس شكله على قده شويه المهم فيه حاجات كده مخوفانى وهى:
1 - العربيه بتنتش ومش مظبوطه وبتبقى مخنوقه فى اول الغيار واسمع صوت تسقيف فى المكنه وقاللى الابلاتين (لسه راكب من فتره قريبه ونوعه بولندى) بس انا لقيته بعد ما ركب جوان وش السلندر لعب فى مسمار هوا الكربراتير ولقيته مقفول للاخرفهل ممكن يكون من الهوا
2 - هو حطلى زيت موتور من عنده موبيل من جركن كبير لونه اسود بيتحط للعربيات اللى بتشتغل بالجاز ( النقل ) هل ده عادى وكمان لاحظت ان لمبة الزيت بقت تنور مع الفرامل وتثبت ولما ازود بنزين تبربش و تقطع مع العلم انها كانت بتعمل كده من فتره وبطلت هل ده ممكن يكون من الزيت او الفلتر وانا بطلت العربيه مره لما نورت اللمبه ودورتها تانى بسرعه لقيت اللمبه طفت
3 - هو ظبط تاكيهات وبعدها العربيه بقت تسخن اكتر من اللازم عن ما كانت عليه من قبل الجوان هل كده هو قفل التاكيهات ولا ده بسبب قفل الهوا سالته طبعا قاللى الابلاتين بيقفل لوحده وبيسخن العربيه وهنعيد على التاكيهات تانى
والمشكله انه مفيش قدامى غيره يا ريت تقولولى على ايه الصح علشان اكون معاه واقوله يعمل ايه
واتمنى ان الباش مهندس سمير يكون معايا فى الموضوع ده