السلام عليكم
موضوع المطبات ده عقدنى من ساعت ما اشتريت العربية فى 2009 و خاصة ان طريق شغلى كلوا مطبات و من النوع اللى بيسلم على العربية فى الرايحة و الجاية و ساعات ياخدها بالحضن
فا المهمم قررت من ثلاث أسابيع انى اعلى العربية و فعلا وديتها للميكانيكى و علاها من ورا حوالى اربع صوابع كدة .......
المهم أنا اللى لاحظتوا ان العربية اتكفت من قدام بس الحمد لله عقدتى اتفكت مع المطبات ......
أنا عارف طبعا ان حضارتكوا بتفكروا فى الثبات و ان العربية ممكن تعوم بس أنا عن نفسى مش فارقة معاية عشان فى كل سفارياتى ببقى محمل العربية كلها فا الثبات هيبقى تقيل ..
عايز اعرف بقى رأيكم فى الكلام ده
