رد: الجيش المصري: لم نجبر مبارك على التنحي
بس يا أستاذ فادى يا حبيب قلبى أنا كنت مخدوع زيك كده فى الراجل ده لكنى فهمت والحمد لله بسرعة,يا أخى أنت تعرف أن نصيبك من الأموال المسروقة 187 ألف جنية يعنى يجيبولك أحسن عربية,الراجل الحرامى ده وعصابتة هما اللى نهبوا بلدنا وكانو سبب تفجيرات شرم الشيخ والقديسين بسبب خلافات بيزنس!!!! والكلام ده مؤكد
ثانيا حضرتك بتقول إنه مشى حقنا للدماء؟؟؟؟؟؟دماء مين حضرتك بعد 18 يوم كاملين و30 سنة كان عارف إن ده هايحصل فى الآخر بعد أكثر من 1300 قتيل 10000 جريح تقولى فى الأخر حقن دماء ,الناس فى آخر يوم فهمت خلاص كلها والكل بقى ضده ومحدش كان هايسيبه ولازم تعرف أن المشير طنطاوى قال له إنه مش مستعد يقف أمام أى متظاهر وطبعا الشرطة أستخبت يبقى مين اللى هايحيمه بالعقل؟؟؟مفيش خصوصا إن الحرس الرئاسى رفض برضه ضرب اى متظاهر,الراجل ده لو تعرف عمل فينا أى مش هاتقول الكلام ده
وأوعى تقولى هو كان اهبل عبيط
لأنه لو هو اللى عمل فينا ده كله تبقى مصيبة ولو هو كان أهبل وعبيط يبقى المصيبة بقت مصيبتين وغيره كده نفتكر مع بعض لو تعثرت بغلة فى العراق لسئل عنها عمر
لما تصحى الصبح تلاقى إن بيتنهب منك كل سنة 5 مليار دولار من خزينة الدولة
لما تصحى الصبح تلاقى علامة عربيتك أتسرقت ولا غطا العربية عشان الحرامى يكسب 20 جنية ولا حاجة لأنه مش لاقى ياكل
لما تصحى الصبح تلاقى 40% من الشعب تحت خط الفقر و20% على خط الفقر
يعنى 60% مش لاقى ياكل يبقى دى أسمها أى
لما تصحى الصبح تلاقى ف الجرايد إن عدد مصابى فايروس الكبد الوبائى أكثر من 21 مليون مصرى
لما تصحى الصبح تلاقى أن السرطان بقى أكثر المعدلات نمو فى العالم فى مصر
لما تصحى الصبح تلاقى أن دول منبع النيل قررت تقطع عنك الميه لأن حضرتك ببساطة سبت إسرائيل تاخد مكانك وكل ماحد يكلمك تقوله محدش هايقدر يعمل حاجة اهم عملوا حاجة
لما تصحى الصبح تلاقى الشارع 5 متر والبيوت مترسة بغباء وتبص لمنظر بلدك والزبالة فكل مكان تعرف إن ده فساد شامل,
لما تصحى الصبح تعرف أن لعيب الكره بياخد كل سنة 4 و 5 مليون وأحنا بنصرف على التعليم والبحث العلمى 2% فقط من الناتج الأجمالى
لما تصحى الصبح تعرف أننا ليس لنا وجود فى سيناء أطلاقا سوى بعض واحدات الشرطة
لما تصحى الصبح تعرف ان دولة ذى قطر الصغيرة خدت مكانك ومعدش حد بيسمع لك
لما تصحى الصبح تلاقى الجزائر وليبيا والسعودية والأمارات وكلهم بيعملوك كأنك عبد بالسخرة
لما تصحى الصبح تلاقى أن المستقبل بقى للراقصات والعاهرات ولاعبى الكرة والفنانين
يبقى البلد بقى أسمها أى
لما تلاقى الغاز المصرى بيتصدر لأسرائيل بسعر 70 سنت وهو أصلا سعره 6 دولار
وبعد كده تضطر تستورد غاز من الجزائر وبسعر 6 دولار
أرجوك ياخى فتح عينيك أحنا أتسرقنا بما فيه الكفاية آن الأوان نقوم وننفض غبارنا اللى كتم على نفسنا كتير ونشوف البلاد المتقدمة عايشة أزاى
__________________
|