المشاركة الأصلية كتبت بواسطة قلب يرىء
معلش يا جماعه هغلس عليكم شويه انا عايز اروح من محطه الزراعه الى منطقه الوراق
انا مش من القاهره فلو سمحتم يبقى بالتفصيل الممل احسن اتوه ويبقى زنبى فى رقبتكم
انا سمعت ان فى الوراق محلات الملابس منها جمله وقطاعى اسعارها رخيصه جدا
فانا عايز اروح هناك بيقولوا فى محل مشهور هناك اسمه (جوزى وانا حره فيه)  ياريت اللى يعرف المكان ده يوصفهولى
وجزاكم الله خيرا |
واضح انك من محافظة غير القاهرة
وهتيجي الطريق الزراعي
وعاوز تنزل محطة مترو كلية الزراعة
لو كان كلامي صح
يبقى من الافضل تنزل الدائري
وتطلع على الدائري فوق
وتاخد اي حاجة رايحة اتجاه الهرم
وتنزل نزلة الوراق
هتلاقي ميكروباصات الترامكو ( شكل كشك السجاير )
تركب من هناك مكان ما انت عاوز تروح
للأسف معرفش اوصف اكثر من كده
لكن لو انت في القاهرة نفسها
وعاوز تروح الوراق
فيه ميني باص بيروح الوراق من اكثر من محطة
ابو وافية
احمد حلمي
لكن سؤالك على محل ملابس محدد في الوراق
يبقى انت عارف حد منها
يبقى من باب اولى هو يشرحلك الوصف بالضبط
لكن الغريب في الموضوع انك عاوز تنزل الوراق تجيب منها
والعتبة والوكالة مليانين