ليا تحفظ على عنوان الموضوع ..... اولا
ثانيا : بيتهيألى ليه بيقول الناس ف الشارع ان مفيش ثورة .. و انها مجرد لعبة و قلبت جد .... لسبب بسيط ... انى شايف ان لسه ناس عايشة بمنطق مبارك و فاسديه
الثورة ( على حد اعتقادى و علمى حتى الان على حد تعليقات الساده الاعضاء ) علمتنا الحرية ... حرية ف كل حاجة .. بس ... حريتك تتوقف عند حرية الاخرين .. يعنى انت حر ما لم تضر ... ... سؤال مباشر .. مش انت عايز حرية ؟؟ .. طب ما تسيب غيرك يقول ... انا مش متفق على حكاية مبارك يرجع .. لانه هو اصلا مش هيعرف يرجع و مش هيرضى يرجع و مش هيقدر حتى يفكر انه يقرر انه يرجع ... بس عموما من حق كل واحد انه يعبر عن رأيه ولا ايه ؟؟ محدش يقوللى ياعم دى بتحرض الناس و الشعب 40% منه أمى و متضرر من الثورة و خسران فلوسه و ان انسانة دى بتلعب على وتر الامان .... طب ما الاخوان و السلفيين لعبوا بكل طاقتهم على هذا الوتر و ايضا على وتر الدين ... و ناس كتيييييير من اللى قالوا نعم راحوا عشان فهموا ان نعم = المادة التانية .... مش موضوعنا بس ده مجرد مثال عابر ..... ارجووووو نحترم بعض و نعمل بمبادىء الثورة اللى اتمنى انها تكون ثورة غير زائفة .. يعنى ياريت نثبت اننا ف عصر حرية و نستحق عيش الحرية بكل معانيها ... و يا اخى انزل الشارع .... اعرف الناس بتقول ايه ... تكلم مع ميكانيكى قالى دى مش ثورة ... لو ثورة يبقى كلنا نحترم بعض مش واحد يضرب التانى و التالت يكفر الرابع و ده يشتم ده و ده يحرض ده و ده يسب ده و ده يهدم دار عباده ده ... عيب علينا .. بقينا فرجه ... لو كل واحد مننا عمل اللى عليه بس خلاص .. تبقى المهمة انتهت على اكمل وجه .... شوف بتوع الميكروباص ؟؟ هتعرف اننا لسه ف حاله فوضى ... طب نصلحها بقى عشان ميجيش حد يقول بص .. اهى مصر .. بص اهى الثورة ... اتمنى الادارة يكون لها دور هنا .... اتمنى كل المنى ان كل واحد يلم نفسه و يعبر عن رايه بدون تكفير او شتيمة لان مفيش حرية بالمنظر ده ..
شكرا للجميع و خايف اكون زعلت حد منى ..
G IFT4U