المشاركة الأصلية كتبت بواسطة sam ram
شكرا استاذ فادي على مرورك و التعليق ....
الميجان الكوبيه ابتديت الاحظ انتشارها نسبيا في شوارعنا ..
تفتكر لو الابيزا بوكا نيجرا او حتى الكوبرا العاديه نزلت مصر حتحقق انتشار جامد بين الشباب ؟؟
|
أنا قصدي علي فكرة علي الميجان ٣ مش اللي عندنا دلوقتي في مصر .. أنا بقارنها بالجديدة اللي لسه منزلتلناش بردو
بس بالنسبه لموضوع الإنتشار اللي حضرتك بتتكلم عليه ده ليه عوامل كتير والوكيل هو السبب في ده
الإبيزا لونزلت بتمن محترم زي زمان كانت زمانها مطرقعة في مصر لو كانت في رينچ ال٩٠ ألف (طبعاً أنا مش بتكلم عن البوكانيجرا أو الكوبرا )
صدقني لو العربيه نزلت بــ ٩٠ ألف هتكسر الدنيا وهتلغي حاجة إسمها چين ٢ اللي الشباب كلها بيجروا عليها وبصراحة أنا مقتنع جداً بيها كسعر وأداء
يعني الإبيزا كانت من سنه تقريبا ب ٩٠ ألف ومش بتتباع ... وعلي الرغم من كده راحوا مزودينها لـ ١٠١ ( كلام غير منطقي بالمرة )
عشان مينفعش أبيع عربيه لشباب وعايزها تنتشر وأنزلها فئتين واحدة بـ ١٠١ ألف والتانيه بــ ١١٣ ألف .. وده تمن تشتري بيه عربيات عائليه كبيره ومحترمة ومتورها أقوي كمان
بصراحة السبب هوه التوكيل يعني ممكن لو بيفكروا صح إنهم يشوفوا المنافسين اللس في السوق وينزل بسعر أقل منهم وبعدين لما العربيه هتنتشر هيكسب كتييير في الصيانات وقطع الغيار.