03-04-2011, 04:02 AM
|
 |
|
|
تاريخ التسجيل: Jun 2010
المشاركات: 3,757
|
|
رد: برافو ياجمهور الزمالك
المشاركة الأصلية كتبت بواسطة Ahmed Anwer
أيه المانع في تفتيش الجمهور ؟؟
|
المانع يا استاذ احمد
النهاردة كل ما هو ذو سلطة مرفووووووووووض
خصوصا الشرطة
واخر موقف كان قدام عيني في موقف العاشر / السلام
سواق ميكروباص واقف يحمل
دخل عليه امين شرطة وقاله بعد اذنك اتفضل ده مش موقفك
سواق الميكروباص نزله ومعاه كمان كام واحد
وبالكواريك والصليبة والشوم وجاهزين للضرب
لولا رحمة ربنا
ثم وجود اهالي لحقت الموضوع ومنعو السواقين من ضرب 2 امناء
المشاركة الأصلية كتبت بواسطة Ahmed Anwer
ده إحنا كان الشباب يفتشونا و يطلعوا علي البطاقة قبل ما نخش المظاهرة
|
ده لأن حضرتك شخص محترم وعارف ان اللي بيعمل كده بيعمل علشان عاوز يحافظ على الامن
لكن فيه ناس تانية متفرقش معاها
سواء بقى كانو تبع النظام القديم
بلطجية
عشوائية
غوغائية
ايا كان
بالاضافة لان الناس وقتها كانو مع بعض
النهاردة الناس كل واحد بقى في وادي لوحده
ويكفي اقول لحضرتك من 4 ايام الوالدة اتسرقت شنطتها
( خطفها حرامي من على موتوسيكل )
في نفس اليوم اكتشفنا كمية مصايب وبلاوي في البلد
عمرنا ما كنا نتخيلها ولا كنا بنحسها
خلي بالك احنا في الزقازيق
كنا (كان فعل ماضي ) اكثر امانا من القاهرة
في نفس اليوم ده زميلة والدتي اتسرقت هيا كمان في منطقة تانية
ثاني يوم صاحبة المحل اللي اتسرقت قدامه والدتي
شافتها بتقولها احمدي ربنا انها جت على قد كده
بنت اخوها حصل معاها نفس الموقف
بس على شريط سكه حديد
اللي خطف الشنطة خطفها واخل بتتوازن البنت
وقعت على شريط القطر
كتفها الشمال تهشششششششششم
ومطلوب جراحة عاجلة
قبلها بيومين فرح بنت جارتنا وراجعين من الفرح
الساعه كانت 10 -11 اول عربية بلطجية طلعو عليهم ثبتوهم
ولسه بيقلبوهم
كانت باقي العربيات وصلت واتلمو عليهم جريو استخبو الله اعلم فين
وعلى نفس الطريق ده كل يوم شويةعيال بلطجية يلمو بعض
ويوقفوا العربيات ميكروباص وينزلو اللي فيها
يقلبوا الركاب ، يضايقوا بنات
وطبعا اصحاب العربيات والسواقين
مفيش حد فيهم قادر يعمل حاجة ولا يتكلم
لييييييييييه
هو رايح جاي على الطريق
هيجيبوه هيجيبوه
وهو طبعا خايف على نفسه وعلى عربيته
بعدها بيومين مأمورة في الضرائب العامة
واخده حصيلة توريد توردها
وهيا على باب مدخل المبني
حرامي نتش الشنطة باللي فيها
ويعوض عليها ربنا
في نفس مأمورية الضرائب يوم القبض
الناس قبضت وواحده شابت شنطتها في المكتب
والباب مفتوح وراحت الحمام
رجعت ملقتش شنطتها
شكت في واحد هيا وزميلتها
لانه كان داخل المبني وشكله ضارب حاجة
اخوها او حد معرفتها ضابط شرطة
اتصلت عليه
جابوه الحرامي على القسم
وطبعا انكر انه سرق حاجة
ومفيش شاهد عيان عليه
طبعا حاولو اللجوء للحيل المعهودة من ضرب وخلافه
تدخل واحد من محامين الحريات المحترمين
ومنع الكلام ده
وشكرا على كده
وما خفي كان اعظم
خلي بالك يا استاذ احمد
انا كنت مع كل تليفون او كل حديث بيحصل
بسمع وانا مذهووووووووول
هو فيه ايه
ومكنتش مصدق لولا اني شايف بنفسي اللي بيحصل انا كنت هقول مبالغات
قولي بقى فين الجيش وفين الشرطة في كل ده
وهيعملوا ايه مع كل ده
__________________
إن العين لتدمع وإن القلب ليحزن وإنا على فراقك يا خالد لمحزونون ولا نقول إلا ما يرضي ربنا إنا لله و إنا إليه راجعون
|