السلام عليكم
يا جماعة أنا النهاردة عملت شغل فى عربيتى و أحب انى أقول لكم الخبرة اللى انا أخذتها من المشوار ده
انا كنت بدأت ألاحظ ارتفاع الحرارة على العداد لحد الاخر يعنى اكتر من 160 درجة و لما بصيت على المراوح لاقيتها شغالة تمام بس العربية مش بتبرد
راجعت مستوى المياه فى الرادياتير كانت الاول تمام و انا عموما خلال العامين الماضيين لم أضع فى الرادياتير سوى 2 ليتر مياه خضراء أسبانى موزعة على العامين بمعدل كوب صغير كل شهرين مثلا
لكن بدأت أشم رائحة عطن لما افتح الرادياتير
هنا أدركت اننى ربما أواجه انسداد فى المجارى الداخلية للمياه بالرادياتير
سألت عن أحسن مكان يعمل تسليك الرادياتير ... فأجمعت الاراء على البستانى اللى فى فايدة كامل فى شارع أحمد زكى فى حدائق المعادى
روحت له من صقر قريش فى ساعة و نص (يعنى لو ماشى على رجلى هاوصل فى ربع الوقت):w6w200504112245306 e
الراجل فك الرادياتير بصعوبة بالغة و انا احترمت انه قبل ما يبدأ فيها قالى انه العربية دى غريبة عليه (البرستيج اللى لها أربع كشافات فى الامام)
المهم انه فك الرادياتير و بدأ يفك العلبة الجانبية و هنا وجدت الرادياتير ملىء بما يشبه الطين و احنا فى هندسة البترول بنسميه Sludge
لونه أحمر طوبى باهت يتضح ان به صدأ قليل و رواسب بالزوفة
لكن المشكلة انه كسر العلبة اثنا الفك لأنها كانت مقفعة شوية خاصة انها اول مرة تتفك من لما خرجت من الصنع منذ 12 عام
انا زعلت جدا لكن اللى حصل حصل
الحل انه عمل لى علبة نحاس بسرعة و ركبها على الرادياتير بعدما تم تسليكه تماما و تنظيفه من الداخل و ركبه على العربية و شغل و كله تمام
لكنه رفض يحط مياه خضراء و قال انها مضرة بخامة الماكينة
و انا عاوز رايكم فى الموضوع ده و هل القطعة النحاس دى أحسن و لا البلاستيك اللى كانت موجودة؟
انا كنت عارف ان المصنعية بتاعت الشغلانة دى 60 جنيه لكنه بعد ما خلص طلب 120 جنيه
انا دفعت 100 جنيه و طنشت الاتنين اللى اشتغلوا فى العربية بسبب العلبة اللى كسروها
أحب اضيف ان الرادياتير الاصلى فى البيجو 405 هو ماركة أوردونيز الاسبانية
و أحب اعرف نصائحكم عن العلبة النحاس دى أحافظ عليها ازاى؟
و هل فعلا المياه الخضرا مضرة بالنحاس ده؟
منتظر ردودكم
