رد: اختيارات كتير محتاج حد يساعدنى
كان فيه موضوع معمول عنها هيا والتمساحة قبل كده
وكان فيه تعليق بيقول ان فيه مواتير كتير لغايه 90 تقريبا بيركب عليها
واذا في امكانك انك تجيبها وتتحمل موضوع الماتور ده هيبقى افضل لان مواتير المرسيدس بتعمر يعني على ما اسمع بتعدي نص مليون واكتر كمان
هوا عمرة الموتور بتاعتها بتكون فى حدود 4500 بس انا بحب اكون مستعد لاسوا الحالات بدل ما اشترى عربية واقعد جنبها
هوندا سيفيك من 80 ل 83
قطع الغيار
قطع الغيار
قطع الغيار
مفيش كلام تاني
يا اما بقى ان كنت ناوي تعزل وتروح بورسعيد هاتها بقى واقعد هناك
على فكرة قطع غيارها موجودة عادى بس مشكلتها انها غالية يعنى جوز الكبالن مثلا550
لادا 1200 او 1500 او 2105 او 2107 من 80 ل 90
عيب عليك لما تقول الكلام ده
وانت عامل موضوع عن تظبيط اللادا وعفتشها والدركسيون بتاعها
ههههههههه بس برضه صوت الموتور مالهوش غير مسكنات الا لو اتغير
بولونيز من 80 ل 91
بولونيز من احدي السيارات المحترمة
لو ينفع تشوف واحده موديل حديث شوية
لاني شوفت صور ليها شكلها معقول شوية
وانت عارف حل مشاكلها فين
وكلها مشاكل شكلية مش جوهرية
هيا ميزتها موديل عالى بسعر رخيص ومكنة ال31 او الشاهين عليها تخليها ترقص و فيه حل لموضوع الشكل اللى هو الربع الامامى بشكل الفوانيس المستطيلة بس مش عارف بقى ايه نظامه مع المرور لو المرور يوافق عادى اعمله من بكره
فيات 131
عربية جميلة و ميزتها انها على اسكاترة فانعم من اللادا بس بلاقى قطع غيارها غالية خصوصا المتور والكرونة مع بعض بيعدوا ج6000
مين قال 6000
اخونا الشيخ طارق حاطط اسعار قطع الغيار عنده
وسعر الماتور 131 كان على ما اذكر 3.5 وفيه الكرونا بتاعت اخونا مجدي محرم كان هيعملها ب 1200
يبقى كله 4700 مين جاب 6000
عيبها هيا وال 132 الصاج لان على حسب الاسعار اللي شوفناها في المنتدي اليومين دول من قطع الغيار ده اللي تخاف منه
على سبيل المثال 4 ابواب ب 2000
عندنا فى اسكندرية مكنة 31 و 32 اقل حاجة 4500 وحتى لو مكنة وكرونة 4700 زى ما بتقول المكنة + الكرونة فى اللادا ب 1800 ومكنة التمبرا ب 1800 فرق كبير
فيات 132
قوية بس كبيرة واستهلاك بنزين عالى ونفس مشكلة ال 131 فى سعر الموتور والكرونة
نفس الكلام قلتهولك على 131
لكن عيب البنزين لو عاوز تنساه
حول غاز
خصوصا لو بتمشي بيها كتير هتوفر في وقت اسرع
بس الغاز فى السحب صفر
فيات 125
كانت معايا وفاهمها وممكن الاقى منها رخيص جدا واسقطلها موتور شاهين او 131 ومشكلتها ان عربيتى الاولانية كرهتنى فى ال 125 وانها عفشتها الخلفية على ورق ودى ميزة فى التحميل جدا وانها كل عفشتها الخلفية ب 150ج بس عيب برضه لانها ناشفة بصورة غبية ومع الوقت بتشرخ القوايم
عارف مشاكلها وعارف حلولها وهيا سعرها في النازل يبقى تدور على واحدة نضيفة وتروقها وانسي الخبرة القدية اللي عندك منها
بدات تطلعها فى دماغى
124 عادى و اسبيشيال
عيبها موديلات قديمة بس قطع غيارها مرمية وسعرها رخيص اقدر اشتريها واسقط مكنة برضه
|