[sad-bird]

المشاركة الأصلية كتبت بواسطة hananelhosiny بدايتآ أشكرك للمداخلة sad-bird المشكلة أن الزوج مقيم بمحافظة بخلاف القاهرة وكلما ذهب أستعلام عليه يقوم هو ومعارفة لاأعلم أزاى بعدم جدوى التحقق من دخله ( يمكن رشاوى ...... )

المشاركة الأصلية كتبت بواسطة hananelhosiny أشكرك يا أ / مهند على المداخلة الحقيقة فعلآ أن كلام حضرتك مظبوط المحامى بتاعه ألعوبان جاب شهود تحلف القسم زووووووور فى أحد الجلسات أما المشكلة أن الأملاك ميراث له ولأخوته من أبيهم وأمهم يعنى مفيش حاجة مثبته بأسمه شخصيآ ( ايراد محلات / قيمة محاصيل مباعة .......) ده اللى فهمته من صديقتى .

لازم محامي زكي وثقة علشان تعرف ازاي تثبت ده
وممكن تستعين بحد من المحافظة اللي هو تبعها يحاول يجمع اي تحريات عنه لما يوصل لشيء ملموس عن دخله يجيبه لها وتقدم بيه الطعن في المحكمة

ده اولا
ثانيا فيه حد ادنى للنفقة الاولاد الزوج ملزم بيها ايا كان دخله
ثالثا حضرتك ذكرتي ان فيه املاك وزراعات وتجارة بينه وبين اخواته سواء ميراث او مساهمة منه فيها
اظن ده بيتقدم عليه اثبات حالة فأذا كان ميراث بيتطلب من المحكمة الطلب منه بعمل اعلام وراثة لفصل ممتلكاته عن اخوته لاثبات حقيقة دخله او ثروته ومن ثم تحديد النفقة الواجبه عليه لبناته وان كان شريك في تجارة فالعقد المسجل به الشركة يحدد نسب الاشتراك من كل عضو

واكيد اذا حالته المادية ميسورة هيكون عنده سيارة وممكن تكون موديل حديث
تجيب رقمها وتسأل عنه في المرور هو بأسم مين وتوضح ده في المحكمة

وربنا يوفقها وتحصل على حقها
وربنا يجازيه على قد نواياه