اختيارات كتير محتاج حد يساعدنى
انا دلوقتى حصرت مجموعة من الموديلات مناسبة لظروفى وقدرتى بس محتار قوى لان كل واحدة فيها ميزات كتير وعيوب كتير فياريت تساعدونى فى الاختيارمع توضيع ميزات وعيوب كل واحدة فيهم عن الباقين والعربيات هى
مرسيدس شمامة 200 موديل 115 من سنة 68 لحد 76
عربية خرافة بس عيبها قطع الغيار الميكانيكية صعبة و موتورها غالى جدا باقى الحاجات متوفرة ورخيصة
مازدا 323 من 80 ل 85
عاجبانى قوى وناعمة بس بيقولو لازم بنزين 90 و العفشة ضعيفة
هوندا سيفيك من 80 ل 83
طالعة من عينى وقطع غبارها غالية ومش عارف ايه نظامها فى التحمل
لادا 1200 او 1500 او 2105 او 2107 من 80 ل 90
مشكلتها معايا تقل الدركسون وصوت الموتور العالى جدا
بولونيز من 80 ل 91
الناس بتكرها قوى مش عارف ليه وتقيلة فى اعادة البيع و شكلها وحش بس بتتحمل جامد وحاجتها رخيصة و ببلاش وعاجبنى فيها انها موديلات عالية بسعر رخيص وممكن يتغيرلها التابلوه بواح حديث و التحكم فى ارتفاع الدركسيون وكمان فيها ميزة ان الكنبة الخلفية قابلة للطى ودى تنفعنى فى الشغل بتاعى جامد ويعيبها نفس مشاكل عفشة ال 125
فيات 131
عربية جميلة و ميزتها انها على اسكاترة فانعم من اللادا بس بلاقى قطع غيارها غالية خصوصا المتور والكرونة مع بعض بيعدوا ج6000
فيات 132
قوية بس كبيرة واستهلاك بنزين عالى ونفس مشكلة ال 131 فى سعر الموتور والكرونة
فيات 125
كانت معايا وفاهمها وممكن الاقى منها رخيص جدا واسقطلها موتور شاهين او 131 ومشكلتها ان عربيتى الاولانية كرهتنى فى ال 125 وانها عفشتها الخلفية على ورق ودى ميزة فى التحميل جدا وانها كل عفشتها الخلفية ب 150ج بس عيب برضه لانها ناشفة بصورة غبية ومع الوقت بتشرخ القوايم
124 عادى و اسبيشيال
عيبها موديلات قديمة بس قطع غيارها مرمية وسعرها رخيص اقدر اشتريها واسقط مكنة برضه
124 كوبيه
عربية بحبها جدا وسعرها رخيص وقطع غيارها 132 و لادا بس على قد حبى الشديد ليها شكل واداء انما برضه مش مناسبة خالص لظروفى كونها 2 باب
مع العلم انى استخدامى للعربية فى شوارع مكسرة و بيكون معايا العائلة من 4 افراد او بحمل بضاعة الشغل جوا وعلى السقف ف الشبكة وبنزين 80 ومعنديش مشكلة فى قطع الغيار لو اغلى شوية بس بتعيش بس متكونش فيها حاجة مثلا بربع او نص ثمن العربية مش هاقدراجيبها
|