[Meemo The Beast]

المشاركة الأصلية كتبت بواسطة sam ram كلامك تمام يا استاذ ميمو ... وانا معاك طبعا في انتشار المصانع على مستوى العالم بس انا قصدي على العربيات اليابانيه المنشاء .. كمثال الكورولا الجنوب افريقي كان في جدل عليها فتويوتا ايجيبت قدمت الكورولا الياباني السنه دي ... دلوقتي ناس كتير بتحب الكورولا مثلا .. حتجيب الجنوب افريقي و لا الياباني ؟؟ ولا حتقول لا دي ولا دي و تفكر في حاجه تانيه موضوع ان التجار يرفعوا السعر وارد جدا ... خصوصا اليومين دول لأنهم حيلعبوا على العامل النفسي عند الزبون انه يلحق يجيب عربيه مضمونه والكلام ده .... بس المفروض اننا نفوق بقى و نخليهم يبطلوا الحركات دي ... اننا منشتريش العربيه بمليم زياده عن تمنها حكايه تسرب الاشعاع دي ... ربنا يستر فعلا ... و دي تعتبر موضوع في حد ذاته .. لأننا بنتكلم عن المنتجات اليابانيه عموما و كيفيه فحصها والتأكد من خلوها من التلوث الاشعاعي قبل دخولها الاراضي المصريه

على حسب معلوماتي المتواضعة تويوتا تنتج موديلاتها و منها كورولا بنفس الطريقة في كل نقاط التصنيع حول العالم و إن كانت هناك مواصفات تختلف من كل إقليم للآخر نظرا لمعطيات مناخية و قانونية و معطيات تتعلق بسلوكيات و طلبات الزبائن في كل إقليم
و إن كنت أنا عن نفسي لا أثق لا في تويوتا ايجيبت و لا في أي توكيل مصري لما عرف عنهم من كذب "إيش ضمني ان الموديل اللي هو جايبه السنة دي جاي من اليابان, هو حد شايف حاجة؟"
في رأيي أن ولاء العميل لأي من مدارس صناعة السيارات هو الذي سيحكم اتجاهه الشرائي بالإضافة الى قوته الشرائية بالطبع.
أما عن أطراف سوق السيارات في مصر (الوكلاء - المجمعون - المستوردون - الموزعون - المقسطون و البنوك) فلا بارك الله فيهم جميعا و علاجهم المقاطعة و لكن مين يقرا و مين يسمع؟
تحياتي