رد: مشكلة ومساعده في الفيات 132
السلام عليكم ورحمة الله
استاذ سبيد بيرد .. حضرتك استاذ احمد اللى كلمتنى انهاردة على الموبايل صح ؟
بالنسبة للدينمو زى مقلت لحضرتك تمنة 150 ج بوش المانى استيراد كتاوت داخلية فبريكة
وفية 170 ج نوع تانى معرفوش .. بس امرة سهل متقلقش
بالنسبة للداير .. انا حاليا بعمل داير لعربيتى وهقولك حكايتة
الداير بيتكلف تفصيل من 30 الى 50 ج حسب السمكري .. هو عبارة عن صاجة مش اكتر
الشرا احسن من التفصيل .. يعنى تدور عليهم ف الوكالة احسن .. بس المشكلة انهم قليلين دة بالنسبة " لعربيتى الريجاتا "
بالنسبة لعربية حضرتك مش عارف الله اعلم ممكن يكونوا متوفرين اكتر .. بس الاحسن بدل البحث وتلافي فيهم حاجة انك تفصلهم
عند السمكري ويحط تخانة صاج كويسة بضمير ويترشو بلاك قبل ميركبو .. بالنسبة للبارومة اللى عندك
على حسب اماكنها .. ان شاء الله لو فية نصيب اول مخلص شد عربيتى بأذن الله نتقابل وابص على عربية حضرتك
انا لجئ تقريبا عند سمكرية واتعلمت جزء بسيط الحمد لله الاول كنت ابيض ومازلت .. لكن فية حبة صغيرة كدة على جمب
على فكرة .. حتى لو فاهم لازم توضح للسمكري انك ابيض ومش فاهم ودة اللى بعملة بوضح لة انى ابيض واسمع منة
واشوف هيعمل اية .. انا مع الرأي اللى بيقول " تـبيع عربيتك دلوقت وخسارة قليلة احسن من خسارة كبيرة "
انت لو خسرت فيها مثلا 3 الالاف ج احسن لك ودى عن تجربة ليا .. لكن لو عايز بدل متخسر ال 3 الالاف ج
تدفعهم انت من جيبك فى اصلاح عربيتك فخلي بالك هتمشى معاك شوية وهتفتح بقها تانى .. الموضوع دة اللى يحددة
حضرتك .. وحالة العربية هى الفيصل .. الموضوع محير شوية .. ومش هقولك دفعت كام ف عربيتى علشان متتخضش
مبلغ هلامى خرافي ولو كنت بعت كان احسن لي وكان زمان معايا حاجة احدث .. لكن الحمد لله على كل شيئ
وحمدت ربنا اكتر الحمد لله لما كنت ماشى مع نوبيرا ع الدائري وكان فية جزء عالي وواطي وبعدها حجر بسن عدينا علية انا وهو
عربيتة جابت شاسية .. والحمد لله بفضل الله ولا شيئ يذكر عندي ولا لمست الحجرعلشان العربية عالية عن الارض .. كذلك الحك ف المطبات .. لذلك احترمتها جدا
التعديل الأخير تم بواسطة NicEgypt ; 30-03-2011 الساعة 10:19 PM
|