ماشي يا ستي
شوفي
على حسب نوع العربية
لان فيه عربيات قديمة الزرار عبارة عن دراع بيطلع لقدام او ورا لقدام يديلك يمين ورا يديلك شمال بيكون راكب على الدركسيون
فيه عربيات بيكون راكب يمين وفيه عربيات بيكون راكب شمال
فيه عربيات حديثة فيها طاره Multi Function بيكون فيها الاشارة عبارة عن زرار تدوسي عليه
ده الاشارات يمين وشمال
الانتظار بيكون زرار في تابلوه العربية عبارة عن مثلث ابيض والزرار لونه احمر
ده بتشغلي لما تكوني هتقفي لسبب في العربية او هتركني على جنب
النور بقى عالي وواطي وصغير
دول بيكونو في دراع تاني غير بتاع الاشارة بتلفي الدراع ده سن واحده يديلك النور الصغير
تشدية لتحت او لفوق يديلك العالي او الواطي على حسب نوع العربية
تشديه عليكي يعمل سوسته يبقى ده كده الرعاش
ملحوظة تشديه مش بعنف ولا عافيه يعني لمسه بسيطة كده هيلقط معاكي على طول
طيب انتي مش عارفه تحفظي الكلام ده
تعملي ايه
1. الكلام ده بيجي بالممارسة وبالتعود على العربية
2. فيه عندك انوار التابلوة
الاشارات بيكونو ليها سهمين واحد يمين وواحد شمال وعلى حسب انت مشغله ايه هتلاقيه بينور ويطفي وله صوت تكتكته صغير كده ينبهك انه شغال
النور اول ملا ينور بينور نور صغير في التابلوه وطبعا مش هتشوفيه بالنهار خالص هتشوفيه بالليل بس
النور العالي هتشوفيه على الطريق بيكشف مسافة كبير
النور الواطي هتشوفيه على الطريق برضة بينور مسافة قصيرة قدامك
طيب عاوزة تدريب عليه انا مش هستني لما ابقى على طريق ومش عرافه اتصرف ازاي
سهلة
حد يقف قدام العربية (
قولي لبوسي وهيا تجيلك)
وانتي هتشغلي مفتاح مفتاح وواللي قدامد يقولك ده ايه
يمين يرفع دراعه الشمال
شمال يرفع دراعه اليمين ( لأن انتي هتبقى كانك بتبصي في مرايه )
نور عالي يرفع دراعه لفوق
نور واطي ينزل دراعة لتحت
في البداية انتي اللي هتعملي الاشارة من الزراير واللي قدامك يعمل الحركة المقابله للاشارة اللي ظهرت
بعد كده اللي قدامك يشاورلك وانتي تعمل الاشارة من التابلوه ويقولك صح او غلط
وفي الاول والاخر الموضوع بالتدريييييييييييييييييب