هي دي مصر يا عبله (( حاجه تغيظ ))
هتجن ياريت يا خوانا مارحتش لندن و الا باريز
ده بلاد تمدين و نضافة و ذو ق و لطافة و حاجة تغيظ
مالا قيتش جدع متعافي و حافي و ماشي يقشر خص
و لا شحط مشرمخ أفندي معاه عود خلفة و نازل مص
و لا لب أسمر و سوداني و حمص و انزل يا تقزيز
و لا عركة في نصف الليل دايرة بالحيل و ساحبها بوليس
قدامها جدع متجرجر و شه معور قال ده عريس
الخلق ما هي بتتجوزو اشمعنا احنا مافيش تمييز
و لا واحدة في وش الفجر تيرطع ماليه الدنيا صوات
قال ايه جوز خالتي ام أحمد سلفة أخوها السيد مات
سبحانك مأ عظم شانك و الله الموت ده مفيد و لذيذ
و لاصايع طالع يجري وصايع تاني بيجري وراه
و يقول هاع حصلتك يابن الأبصر ايه عاملاه
لا شارع غيط يا خوانا و لا احنا بدارة و لا احنا معيز
و لا حد يبييع حاجة يقول بريال و تأخدها بصاغ
يا خوانا حتى الابرة تاخدها بدوشة و قلب دماغ
حلفان و عراك و مناهدة و يمكن ضرب كفوف يا حفيظ
و لا فيش ميت الف صعيدي هاجميين و لا فيش
ميت الف معوض داعس جاي معاه صندوق ورنيش
و الله كرهت القهوة و حرمت أقعد عالأفاريز
و لا شفتش ده اللي بلاسة و ده اللي بعمة و ده بطربوش
ملابسنا يا ناس تشكيلة تعد اصحابها ما يتعدوش
دول ناس كنا أحسن منهم قول و مسيرنا باذن الله
نبقى احسن منهم برضك بعد الدرس اللي أخدناه
و الله ده عيب نتهجى دروس يأساتذة على التلاميذ
 : 14369D~149:
__________________
اكتب ان شاء  ولا تكتب انشاء , بارك فيكم
teto2005 سابقاً اعتزار عن التاخير في الرد و المتابعه
ادعوا لوالدتي بالرحمه و لوالدي بالشفاء
التعديل الأخير تم بواسطة pointer ; 29-03-2011 الساعة 12:08 PM
|