اخوانى الأعزاء جميعا . وحشتونى جدا . رغم انى كنت بأدخل كل يوم المنتدى وباتابع مشاركاتكم فيه دون رغبه فى ابداء رأيى الخاص لأنى عارف ان رأيى لم ولن يعجب الساده مالكى السياره .
وأنا ممكن فعلا انى اقلل جدا من مشاركتى فى غرفة الجاك حتى لا أثير حفيظة مالكيها .
أخى الأستاذ أحمد العزيز . هو فعلا أستاذ محامى فى القانون فى اسكندريه وعلى علم واسع بالإقتصاد أيضا . وهو ليس عميل لدى الوكلاء كما اتهمه أخونا الأستاذ سايلنت . وللإثنان منى كل الحب والإحترام والتقدير .
وبصراحه يا جماعه انا مع الأستاذ أحمد ان مش لازم يكون حبنا للسياره واعجابنا بها سبب يولد نتائج عكسيه ممكن تكون دعايه مضاده للسياره . وفى الحاله دى نكون عملنا زى الدبه اللى قتلت صاحبها .
مشكلتنا اللى مع الوكيل انه مش ماشى بخطه تسويقيه سليمه . ودا سبب تأخر انتشار السياره وسمعتها البسيطه . ودى مش حاتيجى بخلافنا هنا فى هذه الغرفه .
عموما اخوانى الغاليين جدا على قلبى . اتمنى لكل مالكى السياره السلامه والسعاده التامه وسعة صدرهم لضيوف الغرفه الكرام وأنا منهم .
وأتمنى من محبى السياره ومعجبيها التمهل قليلا عند كتابة أى مشاركات يمكن أن تؤثر سلبا على سمعة السياره وسوقها فى مصر .
تحياتى وشكرى للجميع .
