المشاركة الأصلية كتبت بواسطة CARDIO
يا سلااااااااااااام اشمعنى يعنى الامريكانى اللى عليه ردود كتير
طيب بقى انا عاوزه حد يتكلم شويه كمان عن الركنات و علاقه الطاره بالعجلات ..
|
من كتر الفرجة على الافلام الامريكاني مناخيرنا بتاكل لما بتيجي سيرته
مع ان اغلب الناس مش بيعمله وبيستخسر يعمله لاننا مش مرفهين كل واحد عربيته جاية بعد عذاب
علاقة الطارة بالعجلات انا شرحتلك الميكانزيم بتاعهها على قد ما قدرت وهو تحول الحركة من دائرية إلى خطية ( يمين وشمال )
المشاركة الأصلية كتبت بواسطة CARDIO
يعنى مثلا زى لما تيجى تطلع من ركنه يمين موازى للرصيف فتروح لافف الدريكسيون يمين للاخر و ماشى مارشدير تلاقى بوز العربيه خرج شمال
|
الركنه والخروج او الدخول فيها
على حسب الوضع اللي انتي فيه والمساحة قدامك ووراكي
1. اول حاجة لازم تكوني عارفة ابعاد العربية كويس علشان تخرجي او تدخلي بيها الركنة
2. لو المسافة الاكبر قدامك يبقى تلفي الدركسيون شمال ( انتي قايله انك راكنه يمين ) تاخدي اخر الدركسوين شمال وتطلعي الجزء ده لاخر مدي ممكن مع مراعاة حدود السلامة مع اللي قدامك ( كفاية 5 سم بينك وبينك مش لازم تخليها شعرها يعني
)
3. فرامل وتلفى الدركسيون يمين خالص وتاخدي مارشدير لما ترجعى لورا مع الوضع في الاعتبار المسافي
4. تلفى تاني شمال خالص وتطلعى قدام ( اتمنى ان يكون في مسافة كويسة علشان مش تقعدي تكرري العملية تاني )
5. لو العربية خرجت من العربية اللي قدامها بتطلعي قدام شوية لغاية لما تخرجي منها وتردي الدرسكيون يمين وتعدلي العربية وتاخدي طريقك
6. لو العربية لسه مخرجتش تكرري العملية من 3- 4 تاني لغايه لما تخرجي بالسلامة
فكرتيني بموقف حصلي قريب
( بما اني مفيش عربية بسوقها من كتيييير فنسيت السواقة اصلا)
ابن خالتي في يوم اتزنق كان راكن
كبس عليه واحد من قدام وواحد من ورا
ومفيش 20 سم بين كل عربية قدامه ووراه
وكنت معاه وده واقف يسأل أصحاب المحلات
علي اي حد عارف عربية من الاثنين
وطبعا كان عمالي فيها حريف سواقه
وانا راجل غلبان على قدي يدوب بقدر الدور العربية بس
خليته بيلف على المحلات براحته خالص
بعد خمس دقايق رجعلي
لقى العربية واقفة صف تاني مستنيه البيه يجي علشان نمشي
بس طلعت بيها بالضبط بعد 18 مرة قدام وورا