المشاركة الأصلية كتبت بواسطة mmffor

لولا الاخوان في موقعة الجمل اللي كان حيحصل بكل بساطة انهم كانوا حيفضوا الميدان و تاني يوم الصبح حتلاقي عمال النظافة بيمسحوا الميدان و فيه نص مليون عسكري جواه و محدش يقدر يقرب للميدان من كترهم و البلطجيه اللي كانت حتقفل كل الشوارع المؤدية له - و ده اللي كان حاصل فعلا و اللا نسينا؟؟؟

ثانيا انا اعترض مع استاذ وليد - لان البرادعي هو من خالقي الموجه و عمره ما ركبها
عمرو موسى اللي ركب الموجه و انا لا احترمه بالمره لهذا
الاحزاب الصورية كلها ركبت الموجه من وفد و تجمع و ناصري و خلافه
ايمن نور من 5 سنوات اول واحد رمى طوبة في البركة الراكده و الامواج الناجمه عن الحجر دي شكلت موجه اكبر تمثلت في الجبهة الوطنية للتغيير اللي اختاروا البرادعي ان يمثلها و وافق بعد ما عرضوا المنصب على العديد من الشخصيات الشعبية و رفضوا تماما منهم عمرو موسى للاسف
من سنتين و البرادعي بيطالب بالتغيير و اتعرض للعديد من الاذى بسبب موقفه و ييجي شوية ناس بيسمعوا لسه للتليفيزيون المصري يقولوا ان البرادعي ركب الموجه