رد: نيسان كشكاي
التيجوان ميزتها انها 7 راكب بس مش 4*4
عربيه جودة تصنيع اكثر من رائع و سعر اعتقد 210 الف جنيه
عيبها انها موتور ال TSI فتيس ال DSG دي ممكن تقوللي ميزه
موتور ال 1400 سي سي بيدي 120 حصان تقول جميل اقولك مش جميل لان الموتور ده مرمي في الحرفيين محدش فاهم فيه و اعطاله كثيرة جدا في مصر و التوكيل نذل لاقصى الحدود و دكتوراه في انه يبيع عملاءه ... نقول تاني؟ عربيه حلوة بس في المكان الغلط - دا غير ان اقل بنزين ليها اوكتان 95 و في ناس بتقول اوكتان 98 اللي مش موجود في مصر اصلا
الداستر عربيه جامده بتنزل برة بموتور 2000 سي سي بس نازله مصر بموتور 1600 شغال عليها لانها مش كبيرة قوي
العربيه 5 راكب بس و لكن في منها 4*4 اعتقد ب 140 الف عيبها ان قائمة الانتظار طويييييييييييييييييلة جدا تصل ل 6 اشهر السيارة اصلا داتشيا لكن المفاجأة انها اصلا تعاون بين تكنولوجيا نيسان في الجر الرباعي و التعليق و بين رينو في تكنولوجيا المحركات ذات الاداء العالي و الموفر للوقود و اتفق على تسويقها باسم داتشيا داستر - و تسوق في مصر تحت اسم رينو داستر - اذا سيارة جميلة - توكيل جميل و يعيبها ان قائمة انتظارها طويلة و طبعا لم تتوفر جميع قطع غيارها لقلة انتشارها
القاشقاي من نيسان بمحرك 1.6 لتر جر ثنائي مش ثلاثي!!! لان القاشقاي تأتي جر رباعي لمحرك ال 2000 سي سي فقط!
تم تصميمها في او روبا و يتم تصنيعها في انجلترا
سيارة ذكية جدا و جميلة جدا و عملية جدا و ادائها راقي جدا بس ولا هي 7 راكب ولا 4*4
سعرها معنديش خلفيه بيه بس منزلتش اصلا توكيل يعني لو حتلاقيها تبقى خليجي و اعتقد سعرها حيكون في حدود من 120 - 150 الف
ربنا يوفقك
|