انت لو تحت إيدك عربية بتاعة حد قريب منك سواء صاحب أو جار أو أخ
ممكن لو كل يوم بتسوق شوية
هتلاقي نفسك في شهر بالظبط إتعلمت السواقة كلها
ولما تركب عربيتك انت هتلاقي نفسك كل يوم بتفهم حاجة وتعرف حاجة
وهتلاقي نفسك بتتعلم السواقة من الممارسة والمواقف اللي بتمر بيها
أنا عن نفسي إتعلمت امشي بالعربية في شهرين
بس مكنتش بركبها كل يوم
يعني كنت كل إسبوع بسوق 3 أو 4 مرات
ولما بقيت متمكن من العربية بقيت امشي في حتت بخاف امشي فيها
ومشيت
وواحدة واحدة كل حاجة بتحصل
بس انا برضو في الأول لما كنت بادئ زيك
كان الموضوع معقد بالنسبالي
لحد اما وصلنا للدرجة دي إننا المفروض نمشي ونجري ونركن في أي مكان
ونسوق أي عربية خلقها ربنا كمان
ماتخافش
أهم حاجة تحط في دماغك انك هتتعلم
وان كل الناس اللي بتسوق دول بني أدمين زيهم زيك وإنك احسن من أي حد منهم كمان