[BASSEM BESO]

المشاركة الأصلية كتبت بواسطة mainz ياباسم دا ما انت فى ايدك كل خيوط العمليه . اولا من المكان الى ركب فيه تاجر اللحوم الميته يعنى المكان معروف ثانيا الشخص الى بيورد اللحوم الميته معروف لحضرتك انت وسواق العربيه يعنى المورد معروف شكلا على الاقل ثالثا معروف الشخص المستورد لهزه اللحوم الميته وهوا مدير فرع من فروع حلوانى حسب ما كتبته وسمعته من المكالمه واسمه معروف المهندس كزا وصوته معروف ليك يا باسم حسب كلامك رابعا الشاهد موجود وهوا سائق العربيه النقل الى هوا شغال مع حضرتك فى شركه الرخام والبلاط يعنى كل الخيوط موجوده وكل الدلائل موجوده طيب مستنى ايه ياباسم باشا وايه الى خلاك مستنى كل ده ؟ وفىالاخر يا باسم باشا تقول ان مافيش دليل او ما يثبت كلامك علشان تعمل محضر بيه ؟ يا راجل دا خيط واحد من الاربع خيوط ديه ممكن يكشف القضيه ؟

والله فكرت فى الكلام اللى حضرتك قولته ده اكتر من مره وكل دقيقه بفكر فيه لكن ممكن بسهوله متناهيه الراجل يقول معرفوش ولا شوفتوا ولا هو ولا اللى معاه والحكايه تتقلب ضدى وضد السواق وتتحول لقضيه تشهير للشركه وسمعتها وتنقلب عليا انا وممكن بسهوله كمان يقول دى محاوله تلفيق ليا عشان كانوا عايزين يبعولى اللحوم دى مثلا وانا رفضت ( على الشخص المورد والمهندس ) والمكان اللى ركب منه الشخص ده معانا فى الاف من الناس يسكنون المدافن والترب واللى بيمشى من البساتين وطريق الخياله يعرف كلامى ده كويس يعنى الراجل ممكن يقول انا كنت عند واحد صاحبى
يعنى نماذج كتيييييييييير جدا ممكن اى محامى صغير يطلعه منها بكل سهوله لأن اختصارا للكلام اللى فات ده مفيش دليل مادى وتوثيقى للى حصل ده فهمتنى حضرتك الفكره ازاى