هو الموضوع مش محير اوي و بيرجع لشخصيه الراجل عموما
يعني مثلا لو مراتي و والدتي معايا في عربيه و مافيش اي رجاله
حركب والدتي قدام الا لو هيا عاوزه تقعد ورا بمزاجها زي ما شريف باشا قال
لو معانا راجل كبير يبقي الاتنين يركبوا ورا و الراجل هو اللي يركب قدام
لو معانا طفل في حدود سبع سنين مثلا الطفل قدام و الستات ورا.
..........
اما لو عربيه زوج الابنه فالام تركب ورا و بنتها تركب جنب جوزها.
اما لو الام صحتها ما تسمحلهاش بالركوب ورا فتركب جنب زوج بنتها و البنت تركب ورا
..........
فيه بقي حاجات بتغيظني جدا و بتخليني اقفل و حصل معانا
عمتي مثلا كبيره جدا و من النوع اللي ما تعرفش تركب غير قدام
و احنا صغيرين لما تيجي تركب معانا كانت تجرب تركب قدام
لو راكبه مع جوز بنتها كانت تمشي بالراحه لحد ما بنتها تركب و تركب هيا ورا و بنتها ما تقولهاش تعالي
يا ماما اركبي انت قدامك علشان رجليكي ما توجعكيش
ابقي انا متغاظ اوي و اقول لماما شوفي الست بتعمل ايه ptmnlo123per111
تقولي عادي يا حازم دي حاجات هايفه و انا ابقي مولع من جواياptmnlo123per195