رد: سؤال محير المقعد الأمامي من أحق به الأم أم الزوجة ؟
معلش يا جماعه ..... انا مش معاكم خالص فى الحوار اللى فوق ده ,,, المهم اولا و اخيرا رضاء ام الرجل على الزوجه و حب الزوجه لوالده زوجها و بعد كده نيجى نتصدر فى الهيافات مين اللى يقعد جنب الشباك ههههه قصدى مين اللى يقعد ادام و مين اللى ورا ....... انا مثلا عمر ما امى تحب تقعد ادام فى وجود مراتى و حتى ابى و كتير مراتى اتحايلت عليهم و هما ابدا و يقولولها (لأ ... ده مكانك جنب جوزك) و ايضا ده اللى كان بيحصل مع والدى و والدتى زمان لما كانوا بيركبوا حد من امهاتهم او ابهاتهم .........
فالمهم هنا التفاهم بين الجميع و المحبه و الرضا ...... الموضوع مش موضوع مين اللى يقعد ادام الموضوع موضوع حب العائله كلها لبعضها و التفاهم بين جميع الأطراف ,,,,,, و نيجى لناحيه اخرى انه مثلا جدتى لازم تقعد ادام لما بتكون معانا .... بس ليه ؟؟ علشان هى ست كبيره و الركوب ادام اسهلها من الركوب ورا و الباب الأمامى اكبر علشان تعرف تحط جمها الأول على الكرسى و رجليها الأتنين بره و بعدين تعدل نفسها و طبعا مراتى بتساعدها و هى بتركبها و بتكون مبسوطه انها معانا جدا و لدرجه ان مراتى بتعمل لجدتى حاجات كتير و ابسطها تقليم اظافر الرجلين و بتفضل تدعيلها و تدعيلى ...... عايزين ايه اكتر من كده ؟؟؟؟؟
المهم التفاهم و الحب ,,, احنا مش داخلين خناقه مين يقعد ادام و مين يقعد ورا و اللى بيفكر بالأسلوب ده يبقى لامؤاخذه تفكيره قاصر ....
__________________
 اى موضوع او اى تعليق ينم عن رأيي انا الشخصى و لكم جزيل الشكر ,,,
|