السلام عليكم ورحمة الله
طبعا الموضوع لا يتخطى كونه حرب منافسين لا اكثر ولا اقل. والمفروض ان ده واضح لكل صاحب عقل.
الاستاذ صاحب الموضوع بدأ كلامه عن كل الشركات اللى بتصنع اللانشون وخلافه. وخصص كل كلامه بعد كده على شركة واحدة فقط وهى شركة حلوانى. إذا فالمقصود هو محاولة ضرب سمعة شركة حلوانى لا اكثر ولا اقل.
وكمان الاستاذ بيقول انه قابل الراجل المورد ده فى المدافن ، يعنى هو بيروح يسرق الحيوانات دى من المدافن؟ ولا بيشتريها من اصحابها بـ 3000 او 5000 جنيه؟
وهل من المفروض اننا نصدق ان اللى بيعمل مثل هذا العمل الإجرامي اللى يدخله السجن من اوسع ابوابه ، ماشى يحكى لكل الناس عن جرائمه؟ الاول حكى لصاحبك وصاحبك كان فاكره بيهزر وبعدها حكى لحضرتك لمجرد انه ركب معاك عربية. يااااه ده مجرم غبي قوى ، بيفضح نفسه ، ويثبت التهم الجنائية على نفسه ، وكمان بيقفل باب اكل عيشه -الحرام- بكل هذه السذاجه؟ والمفروض اننا نصدق الكلام ده؟
ولما حضرتك انت والسواق حريصين على مصلحة الناس كده ، ليه ما تطلعتش به على القسم؟
اتقوا الله فيما تقولون وفيما تنقلون.
وللأخوة اللى صدقوا هذا الكلام اذكرهم بحديث الرسول صلى الله عليه وسلم
قال رسول الله صلى الله عليه وسلم
كفى بالمرء إثما أن يحدث بكل ما سمع
الراوي: أبو هريرة المحدث: الألباني - المصدر: صحيح أبي داود - الصفحة أو الرقم: 4992
خلاصة حكم المحدث: صحيح
|
بالله التوفيق ،،،