[hatem_eg]

المشاركة الأصلية كتبت بواسطة Ahmed Anwer ................... بس مش هأفرق أووي لأني ناوي أصوت ب لأ و المدام هتيجي معايا و تصوت ب نعم

ههههههههه تمام يا باشا هي دي الديموقراطية ( إختلاف الآراء في البيت الواحد ) مثال حقيقي للديموقراطية ،، ربنا يبارك فيك

المشاركة الأصلية كتبت بواسطة mahranahm قولت نعم وميدان التحرير موجود مش حيمشى ومفيش حد حتسول له نفسة انه يغلط تانى فى الشعب المصرى العظيم

رأيي كان من رأيك ،،، قالولنا الدستور اللي فات بتاع 71 سقط خلاص ومالناش دعوه بيه تماما سواء كانت الاجابه بنعم او لا ،،، وده على لسان واحد من المجلس الأعلى للقوات المسلحة ،، ده على إعتبار ان دستور 71 ( مات ) فلو حد أحياه مره تانية ......
يبقا يتعمله زار يا معلم في ميدان التحرير علشان نصرفه تاني مش قضية يعني

المشاركة الأصلية كتبت بواسطة hyundai2005 انا قولت نعم واهو جلبيه مرقعه احسن ما امشي عريان

مافيش ترقيع يا باشا تاني ان شاء الله

المشاركة الأصلية كتبت بواسطة waelsalah لا مع اقتناعى بالتعديلات ولكن عدم اقتناعى بما وراء التعديلات وايا كانت النتيجه لابد من الجميع احترامها واللهم ولى امورنا خيارنا ولا تولى امورنا شرارنا اللهم امين

اللهم امين في كل الاحوال يا رب ،،، ولي أمورنا للمصلح ان شاء الله

أنت تريد وأنا أريد ، والله يفعل ما يريد

وكفايا أننا كلنا توكلنا على الله ، وأخذنا النيه إننا عاوزين الخير لبلدنا ، كلمة إجتمعنا عليها كلنا ولو إختلفت الآراء ووجهات النظر ،،،، والباقي عليك يا رب إنصرنا وسدد خطانا ووفقنا لما فيه الخير لنا، اللهم آمين .

شكرا على الموضوع ، وتحياتي للجميع ،،،