[samirayad]

المشاركة الأصلية كتبت بواسطة ابوسهيلة حضرتك تقدر تقولي هنعمل دستور جديد ازاي وازاي تشارك فيه كل قوي الشعب اللي انت بتتهمه بتأثير فلول الحزب الوطني والاخوان عليه عايز لجنة تأسيسة منتخبة ولا معينة لو عايزها منتخبة وده شبه مستحيل لو افترضنا انه ممكن هتأمن الشعب العبيط ده اللي بيأثر عليه فلول الحزب الوطني والاخوان علي انتخابات للجنة فنية وان العالم الوحشة دي مش هتسيطر علي اللجنة ولو عايزها معينة فمرحبا بالحصص والكوتة للقوي التي لا تعبر سوي عن الطبقة المثقفة ولا تعبر عن الشعب ومرحبا بكوتة للمرأة واخري للاقباط واخري للاسلاميين واخري للقوي والحركات الاخري وطظ في هذا الشعب العبيط اللي القوي الوحشة بتضحك عليه لو في طريقة تانية تعبر عن الشعب من غير ما حد يضحك عليه وتبعدنا عن حصص اصحاب الصوت العالي فمرحبا بها

هو أنت مش عندك دستور تعبان قديم هات ده جنب ده وظبطلك واحد جديد على أساسه الدستور مش قرآن علشان بتضخمه بالشكل ده دول شوية قوانين بيمشى الكل عليهم بمعنى لو شكلت لجنه ( من كل فئات الشعب وموثوق فيها ) وقعدوا مع بعض على الطبليه هيخلصوه فورا بدون التضخيم المعمول للقصه دى كلها ______________ على فكره أنا لما قولت أخلصهولك مش أنا بالمعنى الحرفى حبيت بس أوضحلك أن إعداد دستور مش كيمياء يعنى ولو أنت عارف أنه كيمياء ياريت تقولى على عناصر تلك المعادله الكيميائيه ____________________ وبرضه خللى بالك لو كنت تعتقد أنه كيمياء فعندك معادله كيميائيه باليه قديمه أى ( الدستور المرقع القديم .....المزمع إلقاءه فى الزباله ) ممكن تستفيد من ما تجده فيه ( وليس كل مافيه ) وتعملك معادله كيميائيه جديده ممكن تفيدك أوى على المدى البعيد لأنك حاليا داخل فى منعطف غير آمن

ده تعليق لسه كاتبه حالا

ممكن يجاوبك على تساؤلك