رد: مازال الحزب الوطنى والإخوان بيضربوا من تحت الحزام
السلبيات واردة و ده مش معناه ان حلال اللي كان بيتعمل فينا!!
انا دمي اتحرق!!! اقول ايه؟ عيب و ميصحش
حلال ان شباب زي الورد يموت و يتعذب علشان شكلهم مش عاجب البيه؟
حلال ان ثروات البلد اتنهبت بالمليارات و التريليونات!!!
مش حقول كمان
اللي كان بيتعمل فينا حرام و كفر كمان
و الزميل اللي راح حاطط خط تحت كلمة ملتحين كأن حطينا ايدينا على سبب المشاكل كلها
مشفتش خط محطوط تحت كلمة اقباط بيحرضوا على التصويت لالغاء المادة الثانية
و مشفتش خطوط تحت كلمة الزيت و السكر بتاعة الاخوات
و للعلم فقط انا قرأت في كذا خبر ان اللي اعتدوا على البرادعي كانوا ناس عادية جدا و هوا و انصاره حاولوا يتخطوهم بغلظة فحصلت مشادات قلبت لمحاولات اعتداء على البرادعي قام انصاره خلالها بمنعها و تدخل بعض السلفيين لمنع هذه الاعتداءات على الراجل
يعني كان فيه شوية شباب بلحى رايحين يصوتوا قاموا حجزوا بين الطرفين مش اكثر!!
انا مش سلفي ولا اخوان ولا قبطي ولا وطني
انا عايز ننفض عن نفسنا النزعات اللي اكتسبناها ايام المدعوق
كل واحد له توجه و له تيار و له اختيار
و احنا علينا الممارسة السياسية الصحيحة - و الاغلبية هي ليها القرار و محدش يزعل لان الديموقراطية هي حكم الاغلبية - بالضبط زي اوروبا - مينفعش نزعل ان واحد مسيحي فاز في الانتخابات في فرنسا و نقول كان الاصلح ان مسلم مسكها - الاغلبية هناك مسيحيين و يجب ان نحترم اختيارهم - و امريكا لو واحد علماني نجح في الانتخابات مينفعش نقول ازاي !! ده كافر!
عموما انا مش حتكلم اكتر من كده ! ارجو ان تكون الرسالة وصلت !
التجاوزات وارد حدوثها حتى في اكثر الدول ديموقراطية ! و لكن الذي يجب ان نحذره توجيه الاتهامات و التخوين
|