[akerima]

المشاركة الأصلية كتبت بواسطة samirsaid1 انا عندى كذا ملاحظة ومحتاج رايكو :-fficeffice" /> أولا :- دايما عند الطلوع بالسيارة بتبطل ودة وارد ان يكون العيب من رجلى ثانيا :- دواسة الدبرياج عشان اتحرك بتوصل لحد فوق خالص ( هل دة معناة ان الدبرياج عالى ) على فكرة انا لسة مغير طقم الدبرياج بالكامل بالتوكيل ثالثا :- صوت العربية عالى ولسة مغير زيت موبيل وان رابعا :- احيانا لما بلف الدريكسون بسمع صوت طقطقة غالبا بتحصل لما بكون نازل من مطلع بظهرى خامسا :- بسمع صوت زى دربكة ناحية السواق من الامام زى مايكون حاجة بتلب ودايما دة بيحصل على الارض اللى فيها حفر صغيرة كتير ومعرجة تعريجات كتير بس صغيرة سادسا :- دواسة البنزين لما بدوس اول دوسة بحس ان الكفة معلقة سنة صغيرة وبعد كدة تبقى مرنة مع ان المرونه المفروض تكون من الضغطة الاولى . (( بمعنى اخر عامل زى ماتكون بتقاوم الرجل عند اول ضغطة خفيفة )) فبتسبب عدم الاستجابة للتحرك الا بعد التكة الخفيفة او التحجيرة هى تحجيرة صغيرة . بس بتسبب فى مشكله عند الطلوع وخصوصا فى الاماكن الزحمة سابعا :- احيانا بحس ان سحب العربية مش مظبوط ((لاحظتها من يومين )) وبضطر ان ادوس على دواسة البنزبن جامد عشان تستجيب وخصوصا على الاول والتانى وأحيانا الثالت فى أوله لكن السرعات العالية مافيش فيها مشكلة وبغير على أر بى 3 ثامنا : رفعت العربية بالكوريك من كل ناحية وقلت الف العجل لقيت فية حكة خفيفة ممكن من التيل فهاروح ارجلش الفرامل وكفاية كدة عشان انا كدة تعبتكوا وشكرا على الرد مقدما العربية نيو اكسنت

1-طبعا الدبرياش عالي
2-علو صوت الماتور ممكن يبقي ظبط مكنة مع اني اعتقد انها حاجة تانية خصوصا ان انت زكرت ان عندك مشكلة في بدال البنزين فغالبا دا حيبقي واير اكسراتير او عندك مشكلة في الوصلة اللي مسكة الواير
3-صوت التكتكة دي اكيد كبالن لو انت جر امامي وتقريبا هي لسة في اولها لازم تروح تكشف علي كاوتش الكوبلن لو مقطوع زود شحم وغير الكاوتش (الكوبلن)
4-الدربكة دي اكيد جلب مقصات روح لعفشجي كويس يبصلك علي العفشة كاملة من تحت وهوا برضة اللي حيبصلك علي الكوبلن
5-مشكلة دواسة البنزين والسحب هيا نفس المشكلة تقريبا لو فية حاجة في الواير او في دراع الاكسيراتير يبقي هما دول اللي عملينلك المقاومة دي

واعزرني لاني مقرتش نوع العربية الا في اخر الموضوع لان انا شايف ان الاحسن لو العربية في الضمان تروح تكشف عنها في التوكيل دا افضل بكتير