للأخ كاتب الموضوع انا معاك قلبا وقالبا
المشكلة في اللي بيقولو لأ
ولما لقو ان نعم حتبقى اكتر راحو رفعو القضية دي لعل وعسى توقف الاستفتاء بتاع 19 مارس
المهم انا اعتقد مش متاكد من المحاولة دي سببها ايه
خوفهم من الاخوان
خوفهم من بعض فلول الوطنى
لية
يقولك ان دول هما التنظيمين اللي مجتمعين دلوقتي مافيش تكتل يقدر يقف امامهم
بمعني لسة بقية التكتلات ضعيفة مالهاش ارض صلبة تقف عليها وسط الشارع المصري
وانا رغم اني اقول نعم للتعديل لاني
1-مش خايف من الاخوان هو مين اللي حمى ثورة 25 يناير يوم موقعة الجحش الا الاخوان
بصراحة وبدون تحيز للاخوان لولاهم لكانت الكلمة العليا للحصان والجمل وكانت الثورة انتهت(ملحوظة مهمة جدا انا مش من الاخوان)
2-مش خايف من فلول الوطنى لانهم مالهمش ارضية صلبة وكلنا عارفين اد ايه كان الوطنى زمان بيختار المرشح اللي واثق بانة هاينجح عشان القبيلة والعائلة او المال مثلا
فكان حتى لو مستقل نجح كان ينجح باغوائة وضمة للوطنى
وكمان بعد مبارك ما سابة وهو بقى حزب مخوخ وضعيف وتافه
يعني بصحيح العبارة نعم هي اقصر الطرق لسرعه دوران عجلة التنمية
نعم عشان نخلص من القلق
نعم عشان الجيش يرجع لثكناتة ولحماية البلد ودي مهمة خطيرة جدا ومش عايزين نشغلة اكتر من كدا