الموضوع
:
أول تقرير عن السيارة لاند واين ( فاشون)
عرض مشاركة واحدة
#
4
16-03-2011, 04:40 PM
cars admire
Guest
المشاركات: n/a
رد: أول تقرير عن السيارة لاند واين ( فاشون)
المشاركة الأصلية كتبت بواسطة amaboubakr
سلام عليكم
بصراحة انا جربت العربية دي وسافرت بيها واليكم انطباعي
اولا :
من حيث الشكل فكما تعلمون حضراتكم مسألة اذواق عامة أنا شايفها من قدام تاخد جيد ومن الخلف جيد جدا وعلى فكرة فوانيسها من قدام لحد كبير فوانيس الياريس
ثانيا :
انا مافهمش في تكنولجيا المواتير لكن العزم بتاعها شديد وسحبها ممتاز لاني زي ماقولت لحضراتكم سافرت بيها حوالي اكتر من 700 كيلو المهم ثبات جيد جدا لكن الانجلون والجاك والام 11 افضل بكتيرآه كنت هانسى صوت الموتور عالى والاربي ام كان غريب يعني مثلا كنت على سرعة 100 كان الار بي ام على 3 وممكن اعلى كمان
ثالثا :
من حيث النعومة فنعومتها متوسطة يعني تاخد جيد فقط لانك بتحس بكل زلطة مشيت عليها ولكن تتميز بالارتفاع يعني احنا كنا حوالي خمسة في العربية والشنطة مترووووسة ومليانة شنط طبعا انتم عارفين ستاتنا في السفر لو الواحدة فيهم طالت تاخد التلاجة والغسالة معاها في السفر لخدتهم من غير تفكيير هههههههههه
رابعا: نيجي بقى للاوبشنز للاسف فيه حاجات كتير تنقصها من حساسات رجوع للخلف الجنوط يعني اللي في بالي حاليا وعلى فكرة مافيهاش ساعة على ما أتذكربس بصراحة النور بتاع الطابلوه عجبني خالص عامل زي بتاع الباسات الازرق مع الاحمر
خامسا: العربية واسعة وممتازة داخليا يعني ممتازة عائليا يعني انا لما جيت البلد وأخدت العيلة في مشوار مش هاتصدقوا اننا ركبنا 13 واحد في العربية خمس افراد بالغين + 8 اطفال مابين الابتدائي والحضانة كوكتيل يعني هههههههههه
وبرضك العربية كانت عالية
سادسا: على فكرة العربية ملفته للنظر شأنها شأن جميع الصيني
سابعا: اسوء حاجة في العربية التقفيل الداخلي الخاص بالتقفيلات البلاستيك كلها ملخلخة
ثامنا: للاسف ماعرفتش اشغل التكييف لأن الجو كان برد
اتمنى اني اكون افدتكم
نصيحة ماحدش يشتري عربيات لمدة سنة خلي بتوع التوكيلات يشربوا العربيات اللي عندهم لغاية مايتعلموا الادب ومايرفعوش الاسعار بمزاجهم لأن كل حاجة ليها حدود وهما تخطوا حدودهم بكتير وفسادهم فاح وان شاء الله عليهم الدور
نصيحة ماحدش يشتري عربيات لمدة سنة خلي بتوع التوكيلات يشربوا العربيات اللي عندهم لغاية مايتعلموا الادب ومايرفعوش الاسعار بمزاجهم لأن كل حاجة ليها حدود وهما تخطوا حدودهم بكتير وفسادهم فاح وان شاء الله عليهم الدور
G IFT4U