رد: اجيب ايه ب 20000 ساعدوني بعد ازنكو
ليه مفكرتش ف 127 توب محترمة ... عربية المانية عيبها قديمة يعنى اخر السبعينات .... ممكن تفكر بجدية فيها لو مش محتاج مساحة كبيرة ....
بلاش 132 لان لو مش نمرة واحد هتتعبك ... و لادا ب 20 هتبقى عورمة او عايزة شغل ( على اعتبار انها 2105 94 ) .. ممكن 131 اوى و انا ارشحهالك .. كبيرة و مريحة بس يمكن خشنة شوية بس اكيد مش زى اللادا .... و بيجو 504 برضه بلاش لانك مش هتلاقى حاجة نمرة واحد بالسعر ده ..
يعنى يا اما 131 أو 127 توب أو 132 نضيفة جدا أو ريجاتا ...... 128 ضعيفة و مش هتلاقى نضيف بسهولة .. و زيها ال 127 فيورا برضه
لو بتدور على حاجة صغيرة ( يعنى 2 او 3 افرد بالكتير بدون حمولات عالية و سفر ) يبقى ماروتى او لادا اوكا و هتقدرتجيب حاجة ممتازة ب 20
و ارجع و اقولك ...العربيات فرص و حظوظ ... صدقنى عربية ب 17 احسن بكتيييير من تانية ب 42 ...... و عن تجربة مريرة ... انت و نصيبك و يمكن تقع ف حاجة تانية فرصه بس بلاش تشترى عربية عايزة تتشد الا لو انت مش قديم ف الشد و التعمير و السمكرة و الصنايعية عشان متتعبش .. ربنا يوفقك و نبارك لك قريب ..
( تابع كونتاكت كارز او الوسيط . نت او بيزات )
|