[حسام البورسعيدى]

السلام عليكم

وعليكم السلام ورحمة الله وبركاته

انا غيرت الزيت مرتين ومشيت حوالى 300 كم كده التليين خلص ولا لسه وايه الاجراءات اللى ممكن اعملها

كده زى ما بيقولوا عداك العيب وأزح هههههه

فعلا كده تمام اوى كتليين

الاجرائات اللى هتعملها بقى انك تعود نفسك على الكشف على العربية اول بأول ..

بس مش كل يوم تفتح الكبوت وتقعد تقيس فى الزيت وتزود ميه وكده .. حاكم انا عارفك موسوس هههههههه

لا كل مثلا يومين او 3 نطمئن ع الميه فى القربة وكل اسبوع نقيس الزيت .. كده ..

حاول تقف تسخن العربية مش اقل من 3 دقايق لو بقالها اكتر من 12 ساعة واقفة مثلا .. علشان تحافظ على الموتور ..

وايه حكاية ترومستات الكوعه دى يا بشمهندس الميكانيكي قالى الميه بتحرى عندك لوحدها مش محتاجاها ( هو ايه وظيفته يا بشمهندس وتكلفته اد ايه وبيجي جديد ولا استيراد )

شوف يا سيدى ...

ترموستات الكوعة ده وظيفته بتنحصر فى تسخين العربية بس ..

بمعنى انك ول ما تدور العربية الصبح مثلا (وهى بارده) بتحتاج تقف تسخن فتره ..

الترموستات ده بقى بيسرع عمليه التسخين دى ..

وفكرته انه بيوقف دخول الميه للمكنه اثناء ما هى بارده وبيبدأ يفتح تدريجيا ويدخل ميه كل ما المكنه تسخن اكتر لغاية ما توصل للحرارة الطبيعية ...


طبعا زى ما انت عارف الميكانيكية عندنا عباقرة عصرهم واوانهم (وانتا اكيد مش محتاج انى اقولك الحكاية دى ههههههه) .. فصاحبنا يقوم قايلك ايه ..

"ده بتاع بلادها يا استاذ علشان عندهم الجو تلج لكن عندنا ملهوش لازمة علشان ميسخنلكش العربية ...

طبعا كلام غير صحيح بالمرة كل مسمار فى العربية ليه وظيفة معينه ومفيش حاجة ملهاش لازمة ...


ولكن عدم وجوده مش هيضرك فى اى حاجة غير انك هتسخن دقيقة ولا اتنين زياده كمان لانك من اول لحظة بتدور العربية دورة التبريد شغالة ...

بالنسبة للفتيس عفشجي قالى الصوت ده صوت تروس ومحروقه ومش هينفع تتغير وهو كده جايب اخره و لازم يتغير وواحد آخر قالى هحطلك زيت سايب تخييييين اتخن من 140 يمكن صوت النحره وانت ماشي يروح ولو مراحش يبقي لازم تجيب واحد استيراد ولا اعرض الامر على عفشجي آخر

زى ما اتفقنا فى التليفون ...

وانت فاضى كده عدى على كام عفشجى وخليه يجرب وافهم وجهة نظره ...

الصنايعى برضو هيكون ليه نظره عننا بالتاكيد لانه هيجرب بنفسه وهيسمع الاصوات وهو اللى هيفيدك بالتمام ...

احتارت واحتار دليلي ونفسيتي تعبت بجد انا آسف لتعبكم بجد ولكم جزيل الشكر والامتنان

ولا تحتار ولا حاجة يا عمنا .. الحمد لله الهم الكبير بتاع حكاية الموتور انزاح بدل ما كنت غرم فلوس ومشوار لبورسعيد عندنا .. ولو انى كان نفسى اشوفك بس تتعوض فى حاجة حلوة باذن الله ..

وحكاية الفتيس دى مقدور عليها باذن الله والفتيس باذن الله مش هيزيد عن 600 او 700 جنية ..

بسيطة متقلقش يعنى ....