[pointer]

المشاركة الأصلية كتبت بواسطة AboNoRa يعنى هو الكلام يطول جداً فى كل اتجاة لكن المختصر المفيد انى هصوت بنعم ليه ؟ علشان المواد المعدلة تشمل المواد اللى كنا بنطالب بتعديلها الفترة اللى فاتت وكانت كافيه فى وجهه نظر غالبية النشطاء العظمى وتشمل تيارات زى كفاية والجمعية الوطنية و6 ابريل وممكن اجيبلكم الفلايرات والمطبوعات والمنشورات اللى تؤكد ده ومكانتش فكرة دستور جديد ولا فكرة تقويض صلاحيات مؤسسة الرئاسة مطروحة بالشكل ده وعلشان مؤمن بالاصلاح المرحلى حتى لو كنت مش واثق فى القائمين على المراحل الحالية او المستقبلية بس التاريخ والجغرافيا والمنطق وعلم نفس الشعوب وكل حاجة بتقول ان الانتقال اسلم يكون مرحلى وعلشان لسه مش واثق فى اليه التصويت والفرز ومراقبة القضاة باعدادهم القليلة لكل العدد ده من اللجان فافضل اجرب النظام ده فى مادتين تلاتة بدل ما اجربهم فى دستور كامل يا عالم ممكن يودينا فين وعلشان انا معنديش مشاكل مع دستور 71 حتى بمسواءه بس مشكلتى الاكبر والاهم هى تطبيقه وحاكميتة ولما يتحقق مافيه من حقوق الاول ساعتها يكون عندى ثقة وطموح لتحقيق ما هو اقل اهمية واولوية انا مش عايز دستور ثورى تجريبى ولا عايز دستور علمانى تغريبى ولا عايز دستور فيدرالى امريكى انا راضى بدستور 71 بتعديلات 2011 بس يتطبق

حلو با وائل باشا
اهو كده الكلام ممكن نتكلم ونتحاور
والله انا بصراحه و لظروف لاعندي فلايرز ولا رحت ميدان التحرير من اساسه
بس انا اصلا ليسانس حقوق فبعلق و اناقش ده وده و بحاول اعرف اراء التاس واتفاعل معاهم
اذا كانو طلبوا تعديل المواد دي فهم طلبوا تعدلها للاصلح
يعني مثلا الماده 77 بتاعه الاربع سنين صياغتها اللغويه و وقتنونيا مش تمام لان ان لم تكن مضلله فهي مبهمه و بها تقويل

اعلان الاختصاص للمحكمه الدستوريه فيها كلام كتير اوي و اعلن المجلس انها محكمه النقد وليست الدستوريه تمام كدا بس لبه اللخبطه دي
وده علي سبيل المثال بس
لو مرحلي انا معاك بس يلاش استفتاء دلوقتي خالص لا ام يكون واضح وصريح ولا يدعو لاي تقويل

بالنسبخ لمدي مصداقيتهم لو فيه شك ابعد عن الاستفتاء
والله انا كمان معنديش مشاكل مع 71 او غيره المهم كفاله الحقوق الدستوريه الموجوده بالدول الديموقراطيه و لو من المريخ

انا مع اللي انت عوزه بس التعديلات كدا هتلبسنا في حيط لو تم تعدله - التعديلات - و اتصلح الفاظها و الكام ملحوظه دول تبقي ميه ميه
و متشكر جدا علي المداخله القيمه دي و يارب الاقي زيها كنير