[المناور]

المشاركة الأصلية كتبت بواسطة mrastra السلام عليكم الاصلى غالى هات تيل نوع ترنتى مجربة فى مازدا 323 يعنى نفس اللى عندك والطنابير والله الصينى حلوة مش وحشة وتاكل التيل عندك ممكن يكون لية سبب فنى انما النوع دة بيعيش كتير ...يعنى ممكن عندك جهاز الفرامل ما بيرضش بالقدر الكافى فابيكون محمل باستمرار

وعليكم السلام ورحمة الله

هو الاصلى ممكن يعمل فى حدود كام ؟
والنوع الترنتى ده بيتجاب منين ويعمل كام ؟
بالنسبة للتيل أنا كنت جيبت الامامى من حوالى 7 شهور ب 40 جنيه اما الخلفى فانا ماغيرتوش من ساعة ما جيبت العربية لأن الميكانيكى فك حاجة شبه الهلال ووداها لمخرطة يعملوها ودفعت ساعتها 60 جنيه والفرامل اتحسنت جدا ساعتها بس أنا مش عارف اللى فكه ده التيل ولا ايه بالظبط ؟ وهل قصة المخرطة دى احسن من التيل اللى بيتباع فى السوق ولا لأ ؟
معلش إذا كنت بسأل بس أنا حابب افهم الموضوع علشان الفرامل مسألة مهمة ومش عايز استخسر فيها .