[محمد عبد النور]

بصراحة بقى ابويا الله يرحمه كان متميز اوى يعنى شوف كل الابهات بتجيب فيات ومرسيدس ومازدا وبولونيز ابويا الله يرحمه كان جايب مسكوفتش وهيا تقريبا والله اعلم عربية روسى وقف انتاجها من سنة 60 او 70 بس بصراحة العربية كان شكلها مقبول فيها من 128 كتير من الامام وهى من الخلف كان ملهاش شنطة مش عارف كان لقيها فين بصراحة بس هو دا التميز حتى كنت صغير اياميها ومكنتش بعرف انطق اسمها وطبعا بعد الحاح من الجميع وتريقة انت هتركب عربية اسمها مسكوفيتش طب انت اسمك عبد الرحيم تركب عربية فيتش ليه وكده باعها وكمل على تمنها واشترى فيزبا