اصل انا الصراحة مش بتاع سباقات يعني يوم ما باجيب 100 اصحابي بيحسوني باتهور , و ده مش بس السيراتو ده كمان في اللانسر مش باحب اجري عشان سلامتي و سلامة اللي معايا و طبعا سلامة العربيات اللي جمبي
الصيني مناسبة لو مش هاتجري بيها جامد
انت بتتكلم على 170 و 140 و انا اخري 100 يوم ما اتهبل
المشكلة مش في العربيات , الشركات دي كلها محترمة جدا بس احنا عيزين اينشتاين عشان يجيب عربيه مواصفات مصريه
يبقى شكلها حلو
صاجها كويس
عفشة قوية و لكن مش ناشفة
فيها كل وسائل الامان الي اخترعت
الى حد ما يبقى فيها رفاهية
و طبعا سعرها كويس
الموضوع ده انا مش عامله عشان اتحدى بيه حد بس عشان ابين حقائق لان فيه ناس بيبقى عندها وسواس من اي حاجة تتخيل انها و هي بتركن العربيه هتتقلب منها , بس ما احنا في مصر عندنا عربيات من 40 سنة و لسه زي الفل عشان اصحابها بيحافظوا عليها و مش بيجروا جامد
طب انا هاقولك حاجة شوفتها بعيني و مكنتش مصدق , في امريكا الطريق من كتر نضافته و كل واحد ملتزم بقوانينه كنا راكبين اوتوبيس و في ملف بيلف موازي لعربيه بمقطورة
شوف احنا هنا اللي بيمشي جمب مقطورة دقيقة كامله يبقى بينتحر
اصيع عربيه شفتها بقى و انا هناك كان حاطط فلتر و مظبط العربيه و مكنش بيجري بيتمنظر بس بصوت العربيه
و الرخصة هناك من 16 سنه و نظام النقط السودا لو سمعت عنه
بس هي العربيات من الفئة دي بتاعت شباب او حتى كبار مش بيجروا بالعربيه و متخيلين سايقين جاجوار
لازم نكون واقعيين برضه اننا بعربيات بدرجة جيد و ليس امتياز