[حازم شاهين]

بخصوص ملاحظات اﻷخ بوينتر
أكيد التعديلات ممكن يكون فيها بعض الملاحظات
لكن من وجهة نظرى التعديلات بتحقق كم كبير من المكاسب و بالتالى الواحد ممكن يوازن بين المكاسب و العيوب و بناء عليه يعطى رأية بالموافقة أو بالرفض

إنما حتى لو إتعمل مجلس رئاسى و انتخاب لجمعية تأسيسية إيه يضمنلك إن الجمعية التأسيسية ما تجيش أسوأ من مجلس الشعب
أنا بقول الضمان هو وعى الشعب و مساندته للثورة
سواء بقى كانت إنتخابات أو إستفتاء أو رئاسة كالما الشعب هيختار بحرية و صوته فعلا هيتعد يبقى خلاص ، ما ينفعش نتمسك بالمظاهرات علشان خايفين الشعب يقول رأيه فى إستفتاء أو إنتخابات، دى تبقى ديكتاتورية المظاهرات

ثانيا بالنسبة لموضوع المظاهرات و الشرعية
بالظبط النقطة إللى حضرتك قولتها هى إللى أن عايز البلد توصل لها
حاليا مفيش أى طريقة للتعبير عن الرأى غير بالخروج للشارع
طيب إحنا عايزين ننقل لمرحلة تانية بقى يكون التعبير عن الرأى فيها بطريقة أكثر هدوء و إحتراما للديموقراطية
و هى صناديق اﻹنتاخب و و جود ممثلين للشعب للتكلم بإسمهم بدل ما كل إللى بيتكلم يقول أنا ما بمثلش حد أنا بقول رأيى ،و إطلاق حرية تكوين اﻷحزاب و الجمعيات و النقابات إلخ

بالتأكيد اﻹستفتاء هيكون أكبر مظاهرة منظمة و تشمل الموافقين و المعارضين
الإستفتاء أول إختبار حقيقى للشعب بعد الثورة هل هيقدر ينقل تحركاته و مطالباته من الشارع إلى العمل السياسى المنظم و لا لا