المشاركة الأصلية كتبت بواسطة walidelwahsh
كلامي واضح جدا
موقف البرادعي متخاذل
تكريم ...الله اخر حلاوة...قلادة النيل العظمي واتصور مع الريس
عايز اسال سؤال الراجل دا مش قاعد برة والتكريم سنة 2006
يعني بعد اربع سنين فوجئ بان حسني فية كل العبر دي والفساد دا ماكنش باين
واستفتاء المادتين 76 و 77 الصوري وقتها ونتيجة الانتخابات ساعتها ومجلس الشعب
كل دا البرادعي مكانش يعرف عنة حاجة ساعتها
دلوقتي عرف كل حاجة
يبقى ازاي اتطمن ليه يمسك البلد
اما موقف عمرو موسى لو زي مانت بتقول يبقى نثور على المشير طنطاوي
وقادة المجلس العسكري ونشيلهم
عشان مبارك هو اللي وقع قرارات توليتهم مناصبهم واتعينو بواسطتة
كلامي واضح جدا
|
ما هو ده قصدي
حضرتك اعترضت عليه علشان قبل قلاده النيل ... مع انها اعتراف من النظام و تكريم له ... يعني مش حاجه وحشه في حقه علشان يرفضها ...القلاده مش مكتوب عليها مبارك .. والا كان يرفض نوبل علشان نوبل ذات نفسه اخترع الدمار
و لو المفروض انه يرفضها يبقى كان من باب اولى عمرو موسى يرفض انه يشتغل من خلال نظام مبارك لو بنتكلم من نفس المنطلق و المبداء اللي حضرتك قلته مش انا !!
الا اذا (بنفس الميداء ) كان النظام السابق مقبول بالنسبه للسيد عمرو موسى وساعتها لا يمكن ارشحه لأن الثوره لم تقم لإستبدال ديكتاتور بأخر
على فكره انا مش بدافع عنه او بهاجم ... انا بس مستوعبتش وجهه نظرك
واعذرني اذا مقدرتش اتقبلها
في ناس مش متقبلاه او مش متعاطفه معاه ... مفيش قبول زي ما بنقول .... ودي حريه شخصيه منقدرش نعترض عليها ...
لكن لما بيكون في وجهه نظر الواحد بيحب يقراها علشان يشكل و يكون ارائه و انطباعاته الخاصه .. و ده سبب مداخلتي
انا معاك في انه لم يواجه النظام مباشره ... زي ما حضرتك قلت (متخاذل)
لكنه مكنش نايم 5 سنين و صحي من شهرين بس
بدليل ان النظام اللي كرمه في 2006 او 2005 هو نفسه اللي هاجمه من 2008
وده بسبب كلامه و تصريحاته
والجمعيه الوطنيه للتغيير موجوده من قبل الثوره
لكن معندوش الكاريزما بتاعات السيد عمرو موسى
خصوصا ان السيد عمرو موسى بيتكلم ديبلوماسي حلو اوي ... لكنه للاسف يحسب على نظام مبارك ..ده واقع لا يمكن تغييره ... زي الفريق و المشير ... ودي ترجع لتقييم و تقدير الناخب
د زويل محترم جدا و مهذب زياده عن اللزوم ... لدرجه انه مش بيتكلم او يعترض !!
لازم فعلا يكون في مناظرات و مواجهات وبرامج انتخابيه ...
ومنزعلش من تعدد الاراء ... بالعكس ده المطلوب علشان نفكر و نختار ..
زمن ان حد يختار لينا و نمشي وراه ولى خلاص ...
دا الواحد قبل ما يجيب عربيه بيسأل طوب الارض
ما بالنا بأول رئيس حقيقي منتخب
وربنا يستر