10-03-2011, 11:51 AM
|
 |
من انا؟: واحد من الناس
التخصص العملى: نائب مدير بأحدى المصانع
هواياتي: السيارات والكمبيوتر
|
|
تاريخ التسجيل: Sep 2010
الموقع: القاهرة
المشاركات: 2,294
|
|
انا مصرى
انا مصرى
مصر دى مش كلمه عاديه ولازم دايما اشوفها عاليه
واقف وماسك فى ايدى علمى حالف لحرصها بدراعى وعقلى
انا مصرى وبروحى افديها طول منا عايش هفضل اديها
وقفت فى التحرير وبقول تغيير وشايف دلوقتى ناس بتقول تدمير
كنت بحلم دايما بالكرامه والحريه وانى اعيش احميها دايما من الحراميه
انا مصرى
مسلم مسيحى كلمات غريبه علينا عشان كلنا فمركب ممكن تغرق بينا
جرجس ومحمد ومينا دول اصحابى وهما عندى اغلى من اخواتى
فى التحرير مينا بيحرص محمد وهو بيصلى ومصطفى بيحرص جرجس وهو بيدعى
قابلنى فى المنام اخويا الشهيد قالى خايف ليضيع انتصارى المجيد
خايف للفتنه تحرقنا وتفرقنا وبنارها ممكن تضيعنا مش تجمعنا
انا مصرى
فى الجامع ببكى وانا بدعى وفى الكنيسه خايف وانا بصلى
بدعى وبقول يارب ارحمنا وبصلى واقول يارب انجدنا
كفانا هدم وحرق وافتراء انسيتوا تعاليم محمد والعذراء
انسيتوا السماحه والعفو والأخلاق هذا مايأمرنا به الواحد الخلاق
الجامع قدام كنيسه القديسين هو ده اللى امرنا بيه رب العالمين
انا مصرى
انا مصرى كلمه بيحلم بيها غيرى عشان مصر نعمه ربنا كتبهالى
كنا دايما فاكرين التغيير حلم لكنه تحقق واصبح علم
الشهيد مات وهو بيطالب بحقه وهو اللى رجعه بروحه وبدمه
نفسى اروح واقول حرام لكل اللى عايز يرجعنا للظلام
مصر دلوقتى بتتنفس حريه لكن ممكن من تانى ترجع للعبوديه
انا مصرى
ودى خواطر ياجماعه كنت الفتها من فتره من بعد الثوره وجددت عليها بعد الأحداث اللى حصلت ويارب تعجبكم
__________________
لّا إِلَهَ إِلاَّ أَنتَ سُبْحَانَكَ إِنِّي كُنتُ مِنَ الظَّالِمِينَ
|