معلش نزلت و كان فيه مشاركه كنت عاوز اكتبها
برضه حنقيس علي الياريس الهاف اوبشن مانيوال
(الفول مانيوال زياده 6 الاف جنيه و الهاف اتوماتيك زياده 8 الاف جنيه و الفوا اتوماتيك زياده 14 الف جنيه)
اول ما اشتريت كانت تمنها 83 الف (ديسمبر 2007 موديل 2008) و مكنتش موجوده و اخدتها من معرض بواسطه ب 83 و نص
قريبي شاري اخت عربيتي بعدي باسبوعين ب 84 الف و دا كان سعر توكيل العباسيه يعني زياده الف جنيه
بعدها باسبوع بقت ب 85 الف و اشتريتها لواحد صاحبي (قريبي و صاحبي رمادي برضه نفس لون عربيتي
)
بعدها بشهر وصلت ل 87 الف و الاقبال متزايد
علي ما وصلنا ل شهر 6 بقت ب 88 الف و ما تنزلش مليم.
......................
تعالو بقي اخر 3 شهور من 2008
الموديل الجديد نزل و يدوب غيروا الشبكه و لون العدادات و الوان جديده و طاسات و حركات و هوب
ام 88 وصلت ل 95!!!!!! طب ازااااااااااااااااااااااي
بلاش ازاي
طب ليييييييييييييييييييييييي يييييه
يقولك الين ارتفع طب ما قبل كده الدولار ارتفع و برضه عليتوا سعرها
باي منطق ادفع 95 الف في عربيه و زجاجها منفله و اقول للي راكب معايا ابقي سوجر بابك و انت نازل؟؟!!
ليه يعني علشان تويوتا؟؟ طب ما تروح في داهيه.
بس التوكيل لعبها صح و صح اوي كمان
.
.
.
.
قالك في ازمه و كده كده لازم ننزل اسعار العربيات
طب ما تيجي نجس نبض السوق كده و نرفع اسعارنا علي العربيات الماشيه
قام مزود الياريس 7 آلاف و الكورولا 6 آلاف باين
قالك و الله الناس اشترت خير و بركه ما اشترتش نقول حنعمل تخفيض لفتره محدوده.
و فعلا بامانه ربنا ما شوفتش اي ياريس من ام شبكه جديده في الشارع نهائي
.
.
.
قاموا قالوا لسه فيه ياريس 2008 بالسعر القديم
مممممم
غريبه طب ليه ما زودتوش تمنها طالما الين بقي عالي ولا الين عالي من اول دفعه في 2009 بس!!!!
ماهو انتو شطار اوي في الحركه دي الاسعار تزيد تقوموا تزودا في اسعار من اول يوم
الاسعار تنزل تثبتوا بالاسعار و تقولوا لسه عندنا مخزون !!!!!!!!
.
.
.
ماشي يا عم رأفت مسروجه ناوي علي ايه؟؟
قالك نعمل خصم 5 الاف جنيه من العربيه و الناس كده تقول اشتري قبل السعر ما يطلع تاني
لكن عشم ابليس في الجنيه و لا عربيه اتباعت برضهptmnlo123per1106
طب نعمل ايه مع الناس اللي ما بتشتريس دي؟؟؟
و مخزون 2008 كمان خلص(اللي كان بيخلص في شهر 8 سنه موديلها خلص شهر 4 السنه اللي بعدها!!)
بيع بقي بالسعر بتاع القديم اللي هو 88 او 87 الف و بكده يبقي عملنا تخفيض من 95 الي 87 الناس حتقول نشتري بقي
و بكده يبقي احنا ما خفضناش في تمن العربيه لا قبل الازمه ولا بعد الازمه و العربيات واقفه علينا ارخص من الاول
و بعناها بنفس التمن !!!
لعبيه يهوود بجد..
شفتوا بقي ماشيه ازاي اللعبه؟؟!!!!!