[sad-bird]

المشاركة الأصلية كتبت بواسطة eng_ahmed_90210 و لو جينا نقارن اللي اخدوا دبلوم صنايع بناس تجاره و طب ... دبلوم صنايع يكسب

ودبلوم صنايع ليه
اللي من غير مؤهل خالص واخدها من قصيره ودخل في مهنة او حرفة وكبر دماغه بلا تعليم بلا قرف
خد بقى عندك الحوار ده
والله مرة كنت مع واحد صاحبي عند المياكنيكي اتصدمت
الواد بلية
الواد بلية عنده حوالي 12 سنة ( طب ناهيك عن ان ده مخالف للقوانين والاعراف والحقوق الانسانية )
عم بلية ده صدمني انت اتعلمت يابني
لا
ليه اخدتها منقصيره بلا تعليم بلا قرف
يابني ابوك اللي قالك كده
لا ده انا اللي قلت كده انا ناقص وجع دماغ كل يوم اصحي الفجر لعشان انزل المدرسة والمدرس ده يزعق ويشخط فيا ويتأمر الخ الخ الخ
طيب ما انت الاسطي بيزعقلك ويهزقك ويديلك على قفاك وعلى قلبك زي العسل
اصل ده الاسطي بتاعي مقدرش اقوله لأ ولازم استحمل كل حاجة منه علشان بكرة انا هبقى اسطي كبير واحسن منه
طيب ايه رأيك اجيبلك الكتب تاني وتذاكر مع نفسك من غير مدرسة ولا وجع دماغ وانا هجيلك كل يوم ساعه هنا في الورشة اساعدك في القراية
لا ياعم مش عاوز بلا وجع دماغ
انا هتعلم الصنعه من الاسطي احسنلي
ماشي ياعم بلية زي ما تحب ولما تنوي ابقى قولي وانا هجيبلك الحاجة
لا ياعم مش هنوي
خلاص براحتك

رد عليا صاحبي وواحد كمان معاه
قالي انت بتكلم مين
بقولهم حرام الواد ده يتبهدل على الاقل يتعلم شوية علشان يقدر يفكر صح
فوجئت بالرد الصادم
اللي مش عاجبك ده مرتبه قدك ويمكن في ظروف كمان احسن منك
نعم
ازاي
خد عندك
يوميته 25 جنية صافي ( وبيطالب بالزيادة) الكلام د هقبل الثورة وقبل موجة الغلاء بتاعت السنة الي فاتت بقاله سنة ونص تقريبا زمانه وصل 40 دلوقتي
بيجي الصبح ويروح اخر النهار ومعاه مصاريف مواصلاته رايح جاي
الصبح بتاعه يعني الساعه 10 في حين الصبح بتاعنا بيكون الساعه 6 او 7
الاسطي بيبعت يجيب فطار ( بلية تاني اصغر من ده ولو مش موجود بيبعت ده ) وفطار محبش وتقيييييييل احنا منقدرش عليه ولو تعبان يبقى هو سندوتشات فول وطعمية
على الساعه 5 او 6 يبعت يجيب الغداء
طول النهار فيه مشاريب رايحة وجايه على الورشة طبعا عم بلية بينوبة من الحب جانب ويا سلام بقى لو على حساب الزبون اطلب ومتتكسفش
كل يوم بيطلعلة بحسبه صغيرة كده على الماشي دخان واكراميات وشاي او ايا كان المسمي يعني بيدخله بالميت كده ( هضحك على نفسي واقول 10 جنية بس ) ده حاجة كده على ما قوسم جنب اليومية
ايه رأيكم بقى
في الاسطي بلية
مش احسن من مشروع طبيب بيصرفله مبلغ وقدره دروس وثانوية وكلية ودكاترة وفي الاخر يقعد يقتص ويغتنم الفرص الانتهازية لاستقطاع 1000 مليم كل سهر من مرتبه علشان يجيبه حته 128 يعمل بيها برستيج قدام زمايله


طيب عم بلية ده لو اخدناه ودخلناه مدرسة يتعمل فيها مباديء هندسية وانجليزي ولزقناه جنب اخونا المهندس سمير مثلا يتعلم الحاجة على اصولها تفتكروا هيبقى ايه بعد 10 سنين

لا مؤاخذه يا جماعة طولت عليكم اصلي انا رغاي قوييييييييييييييييي وبقالي كتير مرغتش قلت افرغ شحنة كبت الرغي عندكم
هههههههههههه