[sad-bird]

المشاركة الأصلية كتبت بواسطة د.كمال الحمد لله على كل شيئ ان شاء الله ظروف البلد تتحسن وهيكون فى حد دنى للأجور وكل واحد هياخد حقه وهيعيش حياه كريمه والكل هيعيش مبسوط ماديا بس الناس تصبر واللى فات مش هيرجع تانى واملنا فى ربنا كبير .

يارب يا دكتور كمال
لكن المشكلة الحد الادني للأجور بالنسبة لمين بالضبط
كل واحد فينا ملك نفسه والمجهود اللي بيعمله شايف انه يستحق ملايين وغيره لأ
وبعدين فيه تخصصات محتاجة الحد الادني ليها اضرب الحد الادني المقترح × 10 مرات لصعوبة التخصص ولتطلب التطوير واستمرار الدراسة واقرب مثال لينا هو نموذج الطبيب لو خلص ونام وبطل في الخط هيفضل ممارس عام طول حياته بدون اي تطوير اخره يكتب شوية مسكنات ويروح ينام يا اما يكمل دراسات ويتخصص وطبعا الدراسات النهاردة بتتكلف قد المرتب 10 مرات
يبقى هيضطر يهرب ويزوغ ويقعد في البيت يذاكر ويروح المستشفي ينام ويا سلام بقى لو التكليف بتاع جه في المنفى يبقى لو فكر انه يطور نفسه ويحضر مؤتمر هنا والا دورة هناك اللي اغلبها بتكون في المركزية ( القاهرة ومناطق الدلتا ) يبقى رجعنا تاني لنقطة التكاليف واضرب × 10 ولو مطورش نفسه هيبقى زي قلته ووجوده زي عدمه طبعا الناس مبتحسش بكده غير لما لا قدر الله يصابو باشياء خطيرة او حوادث ميلاقوش اللي يسعفهم
ويجي بقى الدكتور المحترم بعد ما ربنا كرمه وفتح عليه من علمه يشتغل جزاااااااااار او منشااار طالع واكل نازل واكل وللأسف فيه نماذج كتيييييير قوي في مصر زي ما برضة فيه ناس محتمرين بيراعو ظروف المرضي لكن الظاهر لعموم الناس هو الجزار
هذا مثال للطرح فقط ليس اكثر وهو المثال الاشهر والاعم ويطبق على كل مهنة البسيطة منها والمعقدة ( طب هندسة صيدلة علوم حرفيين فنيين مدرسين محاسبين .......... إلخ )

ربنا يهدينا جميعا ويرزقنا من فضله ويكشف الغمة عما قريب